Josua 5:14 - Chuukese Bible

¹⁴ Nge ewe mwän a pälüeni, “Apwi, üa feito, pun ngang ewe chon nemenemen än ewe Samol mi Lapalap mwichen sounfiu.” Iwe, Josua a chapetiu lepwül, a fel ngeni o aisini, “Ai samol, met ka mochen akünöü ngeniei ngang noum chon angang?”

Josua 5:14 Iomraidhean Croise

Keneses 17:17

Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”

Keneses 17:3

Iwe, Apram a chapetiu lepwül, nge Kot a üreni,

2. Samuel 7:19

Nge ei mettoch a chök kükün me reöm, ai Kot Samol mi Lapalap. Ka pwal pwon fän iten mwirimwiri ngang noum chon angang lon kan fansoun mwach. Ifa usun, iei usun pwüngün om föför ngeni aramas, ai Kot Samol mi Lapalap?

2. Samuel 7:20

Pwal met ngang üpwe chüen apasa ngonuk? Pun en ka sileei ngang noum chon angang, ai Kot Samol mi Lapalap.

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 24:10

Iö ei king mi ling? Ewe Samol mi Unusen Manaman, i ewe king mi ling.

Ekistos 4:10

Nge Moses a üreni ewe Samol mi Lapalap, “Ai Samol, sap ngang eman mi sousile kapas seni me lom pwal tori ei fansoun ka kapas ngeniei ngang noum ei chon angang, pwe ngang eman mi angangau le kapas.”

Ekistos 4:13

Nge Moses a üreni, “Ai Samol, kose mochen kopwe tinala eman.”

Aisea 55:4

Nengeni, üa awisa pwe epwe souemwen me samolun mwü kana, epwe pwärätä ngeni aramasen fanüfan ai manaman.

Aisea 6:8

Mürin, üa rong mwelien ewe Samol mi Lapalap a apasa, “Iö üpwe tini, nge iö epwe ach chon künö? Nge üa pälüeni, “Ngang üa mochen, kopwe tiniei.”

Isikiel 3:23

Mürin üa ütä o feila lon ewe lemol. Ikenan üa küna lingen ewe Samol mi Lapalap, a usun ewe ling üa fen küna me arun ewe chanpupu Kepar. Iwe, üa chapetiu lepwül.

Taniel 10:13

Iwe, ewe anüsorun ewe mwün Persia a apetiei lon ükükün rüe me eu rän. Nge Mikael, eman lein ekewe samolun chon läng, a feito o alisiei, pun üa aleeman ikenan ren ewe anüsorun mwün Persia.

Taniel 10:21

Esap wor eman epwe alisiei le fiu ngeniir pwe Mikael chök, ewe samolun chon läng mi wisen tümwünü chon Israel.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Taniel 8:11

Iwe, a püsin atekiai pwe epwe wewe ngeni Samolun ewe mwich, a aükätiu ewe asoren kek mi fis iteiten rän fän iten ewe Samol, a pwal atai imwan mi pin.

Lifitikos 9:24

Iwe, ewe Samol mi Lapalap a tinato ekkei o kenala ewe asoren kek me ewe kiris mi nom won ewe rongen asor. Nge lupwen ekewe aramas meinisin ra küna, ra mweireir ren ar pwapwa o chapetiu lepwül.

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Numperis 16:45

“Oupwe merela seni ei mwichen aramas pwe üpwe aroserela fän eu chök.” Iwe, ir me ruoman ra chapetiu lepwül.

Numperis 22:31

Mürin, ewe Samol mi Lapalap a aneneloi mesen Palam pwe a küna nöün ewe Samol mi Lapalap we chon läng mi ütä lukalapen ewe al o amwöchü efoch ketilas. Iwe, Palam a rotiu o chapetiu lepwül.

Mateus 22:44

‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Mateus 8:2

Iwe, eman mwän mi üri rupun pwötür a feito ren Jesus, a fotopwäsuk me mwan o üreni, “Ai samol, are ka mochen, ka tongeni alimöchüei.”

Lukas 1:43

Pwota a fis ngeniei ei mettoch mi amwarar, pwe inen ai Samol a feito rei?

Lukas 20:42

Pun Tafit a püsin apasa lon ewe puken Kölfel, ‘Ewe Samol a kapas ngeni ai Samol: Kopwe mot lepelifichi,

Lukas 5:12

Iwe, lupwen Jesus a nom lon eu kewe telinimw, a feito eman mwän mi kula inisin ren rupun pwötür. Lupwen a küna Jesus, a chapetiu le pwül o tüngormau ngeni, “Ai Samol, are ka mochen ka tongeni limetiei.”

Johannes 20:28

Iwe, Tomas a pölüeni, “Ai Samol me ai Kot!”

Föför 9:6

Iei kopwe ütä o feila lon ewe telinimw. Ikenan repwe ürenuk mine kopwe föri.”

Filipi 3:8

Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

Ipru 2:10

A fokun pwüng pwe Kot, ewe mi föri o tümwünü mettoch meinisin, a föri pwe Jesus epwe unusöch ren an riaföü fän iten an epwe emwenato chomong nöün, pwe repwe eti i lon an ling. Pun Jesus ewe mi emweniir ngeni ar repwe küna manau.

Josua 20:1

Mürin, ewe Samol mi Lapalap a kapas ngeni Josua,

Pwärätä 12:7

Mürin a fis maun lon läng. Mikael me nöün kewe chon läng ra fiu ngeni ewe trakon, nge ewe trakon me nöün kewe chon läng ra pwal fiu ngeniir.