Josua 5:13 - Chuukese Bible

¹³ Lupwen Josua a nom arun Jeriko, a küna eman mwän mi ütä me mwan, a amwöchü efoch ketilas. Iwe, Josua a feila ren o aisini, “Ifa usun, en peliem ika pelien chon oputakem?”

Josua 5:13 Iomraidhean Croise

Keneses 18:1

Iwe, ewe Samol mi Lapalap a pwä ngeni Apraham lein ekewe irä ook än Mamre, lupwen a mot leasamalapen imwan imw mangaku leolokenin ewe rän.

Keneses 18:2

Iwe, lupwen a netä, a küna ülüman mwän ra ütä ekis toau seni. Nge lupwen a küneer, a mümütüla rer pwe epwe churiir. Iwe, a chapetiu lepwül

Keneses 28:16

Iwe, lupwen Jakop a nela seni an möür, a apasa, “Ellet, ewe Samol mi Lapalap a nonom lon ei leni, nge ngang üsap silei.”

Keneses 33:1

Iwe, Jakop a netä o küna pwe Esau a war me föpükü mwän. Iei popun Jakop a aimwüfeseni nöün kewe o ngeni Lea me Rahel nöür, a pwal ngeni ekewe ruoman chon angang fefin nöür.

Keneses 33:5

Nge lupwen Esau a netä, a küna ekewe fefin me nöür kewe o aisini Jakop, “Nöün iö kana mi nom reöm?” Jakop a pälüeni, “Ai samol, ir meinisin nei, Kot a ngeniei lon an ümöümöch.”

1. Kronika 12:22

Iteiten rän mwän ra feito ren Tafit pwe repwe alisi, tori a wor eu an mwichen sounfiu mi fokun watte.

1. Kronika 21:27

Mürin, ewe Samol mi Lapalap a allük ngeni ewe chon läng, pwe epwe siksefälielong nöün ketilas lon tükütükün. Iwe, ewe chon läng a aleasochisi.

1. Kronika 21:30

Nge Tafit esap tongeni feila ikenan pwe epwe churi Kot, pun a niuokusiti ewe ketilas nöün nöün ewe Samol mi Lapalap we chon läng.

Ekistos 23:23

Iwe, nei chon läng epwe akom mwemi o emwenikemi ngeni fanüen chon Amor, chon Hit, chon Peris me chon Kanaan, chon Hiw me chon Jepus. Iwe, üpwe aroserela meinisin.

Taniel 10:5

Nge lupwen üa nenela, üa küna eman mwän a üföüf üf mi pwechepwech, nge ririn lukalapan a för seni kolt mi mürina.

Taniel 8:3

Nge lupwen üa nenetä, üa küna pwe eman ätemwänin sip a ütä ünükün ewe chanpupu. Iwe, a wor ruofoch mächän mi langatam, efoch a langatam seni efoch, nge ewe efoch mi langatam a pwükütä me mürin.

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Numperis 22:23

Iwe, ewe aas a küna nöün ewe Samol mi Lapalap we chon läng a ütä lon ewe al o amwöchü efoch ketilas lepöün. Iwe, ewe aas a müttir rikiwu seni ewe al o feilong lemäl. Nge Palam a wichi ewe aas pwe epwe liwiniti ewe al.

Numperis 22:31

Mürin, ewe Samol mi Lapalap a aneneloi mesen Palam pwe a küna nöün ewe Samol mi Lapalap we chon läng mi ütä lukalapen ewe al o amwöchü efoch ketilas. Iwe, Palam a rotiu o chapetiu lepwül.

Föför 1:10

Nge ra chök nenetä läng lupwen a feil seniir. Iwe, lon ewe chök otun ruoman mwän mi üföüf üf mi pwechepwech ra ütä ünüküür

Josua 6:2

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.

Pwärätä 1:13

nge lukalapen ekewe fisu lenien atittin a wor eman a usun chök lapalapen eman nöün aramas, a üföüf echö üf mi tametiu tori apachapachan o a riri ngeni fän mwärin efoch riri seni kolt.

Soukapwüng 13:11

Iwe, Manoa a ütä o tapwela mürin pwülüan we, a feito ren ewe mwän o aisini, “Ifa usun, en ewe mwän ka kapas ngeni pwülüei ei?” Nge i a üra, “Ewer, ngang.”

Soukapwüng 13:22

Iwe, Manoa a üreni pwülüan we, “Sipwe fokun mäla, pun sa küna Kot.”