Josua 5:11 - Chuukese Bible

¹¹ Nge sorotän mürin ewe Pasofer, lon ewe chök ränin, ra mongö seni mine a mär lon ewe fanü. Ra mongö pilawa esap wor iis lon me föün wiich mi kapwich.

Josua 5:11 Iomraidhean Croise

Lifitikos 23:14

Ousap fokun mongö pilawa ika föün irän wiich mi tüün ika föün mi fö tori ewe chök rän oua uwato ei asor ngeni Kot. Ei epwe eu allük oupwe apwönüetä ämi me mwirimwirimi kana seni eu täppin aramas tori eu täppin lon leniemi meinisin.

Lifitikos 23:6

Nge lon engol me limuen ränin ewe chök maram epwe fis än ewe Samol mi Lapalap we chulapen mongö pilawa esap wor iis lon. Lon ükükün fisu rän oupwe mongö pilawa esap wor iis lon.

Numperis 15:19

“Lupwen oupwe eni mongön ewe fanü, oupwe aimwüela eu kinikin seni, pwe eu asor ngeni ewe Samol mi Lapalap.

Josua 5:10

Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko.

Josua 5:12

Iwe, seni lesosorun ewe rän ra mongö seni mine a mär lon ewe fanü, esap chüen wor enen ekewe aramasen Israel mana. Nge ra mongö seni uän irän ewe fanü Kanaan lon ewe ier.