Josua 5:1 - Chuukese Bible

¹ Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.

Josua 5:1 Iomraidhean Croise

Keneses 12:6

Apram a saifeil lon ewe fanü tori ewe leni itan Sikem, ia a wor ie ewe irä ook mi pin än More. Lon ena fansoun ekewe chon Kanaan ra nom lon ewe fanü.

Keneses 48:22

Ngang üa ngonuk eu kinikinin fanü, nge üsap ngeni pwiüm kewe, ewe fanü üa angei seni chon Amor fän pöchökülen ai ketilas me ai likapich.”

2. Samuel 21:2

Ekewe chon Kipeon sap ir aramasen Israel, nge ir chokewe mi chüen manau me lein ekewe chon Amor. Ekewe aramasen Israel ra pwon fän akapel pwe repwe tümwünüür, nge Saul a ekiekin aroserela lon an tiliken fän iten ekewe aramasen Israel me Juta. Iwe, ewe king Tafit a titi ekewe chon Kipeon

1. King 10:5

ewe mongö mi nom won an chepel, usun än nöün kewe nöüwis mot ünükün, angangöchün nöün kewe chon angang me lingen üfer, nöün chon amolätä ünüman, pwal ekewe asoren kek a eäni me lon imwen ewe Samol mi Lapalap, neminewe a fokun mwar ren.

Esra 9:1

Mürin ekei mettoch ra fis, ekewe souemwen ra feito o üreniei, “Ekewe aramasen Israel, ekewe souasor me ekewe mwän seni ewe ainangen Lefi resap aimwürela seni aramasen ekewe fanü ünüküür, seni ekewe chon Kanaan, chon Hit, chon Peris, chon Jepus, chon Amon, chon Moap, chon Isip me chon Amor. Ra chök föri ekewe föför mi anioput ir ra föri.

Kölfel 135:11

A niela Sihon ewe kingen chon Amor, pwal Ok ewe kingen Pasan me ekewe kingen Kanaan meinisin,

Ekistos 23:28

Üpwe tinala niuokus me rükö lein chon oputemi, pwe ekewe chon Hiw, chon Kanaan me chon Hit repwe süla me mwemi.

Aisea 41:5

Iwe, chon ekewe fanü mi nom aroset ra küna mine üa föri o niuokus ren, nge chokewe mi nom lesopun fanüfan ra chechech. Ir meinisin ra feito o chufengen.

Isikiel 16:3

Iwe, kopwe üreni Jerusalem, pwe iei alon Kot ewe Samol mi Lapalap ngeni: Poputän fanüom Kanaan, pun ka uputiu ikenan. Semom eman re Amor, nge inom eman fin Hit.

Isikiel 21:7

Iwe, lupwen repwe aisinuk, ‘Pwota ka ngüngü?’ kopwe pälüeniir, ‘Pokiten a wor pworaus amairü. Iwe, are epwe fis, leluken aramas meinisin epwe uren niuokus, pöür repwe chök ititiu, pworan letiper epwe kisikisitiu, nge lepwäsukur meinisin repwe chechech.’ Nengeni, a war, epwe fokun pwönüetä,” iei alon Kot ewe Samol mi Lapalap.

Taniel 5:6

Mürin, won mesen ewe king a wopwechepwechela, nge pwäsukun ra nechefengen, pun a fokun niuokus.

Amos 2:9

Nge pokitemi, ämi nei aramas, üa wesewesen arosala ekewe chon Amor, chokewe mi langatam usun ekewe irä setar o pöchökül usun ekewe irä ook.

Numperis 13:29

Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”

Josua 17:12

Nge chon ewe ainangen Manasa resap tongeni eäni ekewe telinimw, pun ekewe chon Kanaan ra chök amwöchümwöchütiu le nom lon ewe fanü.

Josua 17:18

nge oupwe pwal fanüeni ewe fanü mi chukuchukutä. Inamwo are ewe fanü a wöllap, oupwe limeti o fanüeni tori leamüchülan kiännin. Pun oupwe asüela ekewe chon Kanaan, inamwo are a wor war woken seni mächä, are ra pwal pöchökül.”

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Josua 3:16

ewe koluk mi putiu me asan a popuetä aioifengen me toau tori Atam eu telinimw mi nom ünükün Saretan. Nge ewe koluk mi putiu ngeni ewe Setin Mäla esap chüen pu. Iwe, ekewe aramas ra pwerela pekila akawenewenen Jeriko.

Josua 3:17

Nge lupwen chon Israel meinisin ra pwerela pekila won pwül mi pwasapwas, ekewe souasor mi mwärei än ewe Samol mi Lapalap we pworofel ra ütä won pwasapwas lukalapen ewe chanpupu Jortan, tori chon Israel meinisin ra toola pekilan ewe chanpupu.

Pwärätä 18:10

Ra ütä me toau, pun ra niuokus ar repwe eti lon an riaföü. Ra apasa, “A ifan me watten feiengauom! A ifan me amairün feiengauom! En telinimw Papilon mi watte o pöchökül. Lon eu chök awa ka küna apwüng!”

Soukapwüng 1:1

Mürin än Josua mäla, ekewe aramasen Israel ra aisini ewe Samol mi Lapalap, “Iö lein ekewe ainang epwe akom le feila o maun ngeni ekewe chon Kanaan?”

Soukapwüng 11:23

Iei usun ewe Samol mi Lapalap, ewe Koten Israel, a asüela ekewe chon Amor me mwen nöün aramasen Israel. Met om pwüüng pwe ka ekiekin fanüeni fanüer iei?

Soukapwüng 3:3

Ikkei ir chon ekewe mwü mi nonometiu: ekewe limman samolun Filistia me ekewe chon Kanaan meinisin, ekewe chon Siton me chon Hiw mi nom won ewe chuk Lepanon, seni ewe chuk Paal-hermon tori ewe al a ale ngeni Hamat.

Soukapwüng 4:2

Iei mine ewe Samol mi Lapalap a asechirela ngeni Japin ewe kingen Kanaan mi nemenem lon Hasor. Iwe, ewe samolun nöün mwichen sounfiu itan Sisera, a imweimw lon Haroset-hakoim.

1. Samuel 25:37

Nge lon ewe sosoran, lupwen a wes än Napal pulas, pwülüan we a apworausa ngeni ekei mettoch meinisin. Iwe, Napal a cheri och metekin föün ngasangasan pwe inisin a usun chök nge a mä.