Josua 4:7 - Chuukese Bible

⁷ mürin oupwe üreniir, ‘Lölön ewe chanpupu Jortan a kaüla, lupwen aia pwerela lon ewe chanpupu fän än ewe Samol mi Lapalap we pworofel.’ Iei mine ekei fau repwe föün achem ngeni ekewe aramasen Israel tori feilfeilachök.”

Josua 4:7 Iomraidhean Croise

Kölfel 111:4

Ewe Samol mi Lapalap a föri pwe aramas repwe chechemeni an kewe föför mi amwarar. A eäni kirikiröch o ümöümöch.

Ekistos 12:14

Ei rän epwe eu ränin chulap fän itemi. Lon ei rän oupwe chechemeni mine ngang ewe Samol mi Lapalap üa föri. Seni eu täppin aramas tori eu täppin oupwe föri pwüngün ei rän tori feilfeilachök.

Ekistos 28:12

Iwe, kopwe amasatä ekewe ruoföü fau won chechen won afaren ewe üf itan efot, pwe föün achema iten nöün Israel kewe mwän. Iei usun Aaron epwe uwei iter won afaran me ruu pwe ngang ewe Samol mi Lapalap üpwe chechemeniir fansoun meinisin.

Ekistos 30:16

Iwe, kopwe angei ei moni seni chon Israel fän iten angangen ewe imw mangaku ia aramas ra churiei ie. Nge ngang ewe Samol mi Lapalap üpwe chechemeni ekewe chon Israel pokiten ra mönätiu liwinin manauer.”

Aisea 66:3

Nge eman mi niela eman kow fän iten asor, nge esap föri letipei, a usun chök eman mi niela eman aramas. Eman mi eäni asor eman sip a usun chök eman mi niela eman kolak. Iwe, eman mi uwato asoren mongö a usun chök eman mi eäni asor chan pik, nge eman mi keni apach mi pwokus a usun chök eman mi fel ngeni uluulun anümwäl. Iwe, ekana sokun aramas ra chök püsin filätä letiper, nge leluker a pwapwaiti ar föför mi anioput.

Numperis 16:40

Iwe, ekei pisek repwe achema ngeni ekewe aramasen Israel, pwe esap wor eman epwe kanoto pwe epwe keni apach mi pwokus fän mesen ewe Samol mi Lapalap, chilon chök ekewe mwirimwirin Aaron, pwe esap fis ngeni usun mine a fis ngeni Kora me chienan kewe. Iwe, ra föri meinisin usun mine ewe Samol mi Lapalap a allük ngeni Moses fän iten Eleasar.

Numperis 17:5

Iwe, wokun ätewe üa filätä epwe fasar. Iei usun üpwe aükätiu än ekewe aramas lal ngonuk.”

1. Korint 11:24

a iotekin kilisou ngeni Kot won, a utu o apasa, “Oupwe angei o äni, pun iei inisi üa fangala fänäsengesimi. Iei met oupwe föri pwe oupwe chechemeniei.”

Tuteronomi 16:3

Ousap mongö pilawa mi wor iis lon fitifengen me ewe mönün Pasofer. Iwe, lon ükükün fisu rän oupwe mongö pilawa esap wor iis lon, usun oua föri, lupwen oua sü seni ewe fanü Isip fän tawat. Oupwe mongö ei pilawa mi iteni pilawan riaföü lon ränin manauemi meinisin, pwe oupwe chechemeni ewe rän oua towu seni lon ewe fanü Isip.

Josua 4:6

Ekei fau repwe achema ngenikemi mine Kot a föri. Lupwen nöümi repwe aisinikemi lon kan fansoun mwach, ‘Met wewen ekei fau ngenikemi?’,