Josua 4:6 - Chuukese Bible

⁶ Ekei fau repwe achema ngenikemi mine Kot a föri. Lupwen nöümi repwe aisinikemi lon kan fansoun mwach, ‘Met wewen ekei fau ngenikemi?’,

Josua 4:6 Iomraidhean Croise

Kölfel 44:1

Ai Kot, äm aia rongorong ren püsin selingem, pun äm kewe lewo ra apworausa ngenikem usun om kewe föför ka föriir lon ränin manauer, lon ekewe fansoun lom.

Kölfel 71:18

Ai Kot, kosap likitieila iei, lupwen üa chinlap o pwech mökürei. Kopwe etiei, lupwen üpwe asilefeili om manaman me om tufich ngeni ekewe täppin aramas repwe up me mürin.

Ekistos 12:14

Ei rän epwe eu ränin chulap fän itemi. Lon ei rän oupwe chechemeni mine ngang ewe Samol mi Lapalap üa föri. Seni eu täppin aramas tori eu täppin oupwe föri pwüngün ei rän tori feilfeilachök.

Ekistos 13:14

Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.

Ekistos 13:9

Ei epwe usun chök eu asisil won pöümi pwal eu pisekin achem won chamwemi, pwe oupwe chök leaweni än ewe Samol mi Lapalap kewe allük. Pun ewe Samol mi Lapalap a emwenikemiiwu seni Isip ren pöün mi manaman.

Ekistos 31:13

“Kopwe üreni ekewe aramasen Israel, ‘Oupwe apini ai ränin sapat, pun epwe eu asisil lefilei me ämi seni eu täppin aramas tori eu täppin. Ren ei oupwe silei pwe ngang ewe Samol mi Lapalap üa apinikemi.

Aisea 38:19

Nge chokewe chök mi manau ra kilisou ngonuk usun ngang üa kilisou ngonuk ikenai. Ekewe sam ra aiti ngeni nöür usun om allükülük.

Aisea 55:13

Iwe, irä saipires repwe märitä lon lenien iräfölüföl, nge mwoosor repwe mär lon lenien lantana. Ei epwe eu asisil esap mola tori feilfeilachök, nge ngang ewe Samol mi Lapalap üpwe iteföüla ren.”

Isikiel 20:12

Üa pwal ngeniir ai kewe ränin sapat pwe eu asisil lefilei me ir, pwe repwe silei pwe ngang ewe Samol mi Lapalap üa apiniir.

Isikiel 20:20

oupwe pwal apiniöchü pinin ai kewe ränin sapat, pwe repwe eu asisil lefilach. Mürin, oupwe silei pwe ngang ewe Samol mi Lapalap ämi we Kot.

Numperis 16:38

Nge ekewe sepien asoren ötüöt än ekewe mwän mi mäla pokiten ar tipis, repwe nechenech o achöpöp pwe pwölüpwölün ewe rongen asor. Pokiten ra aea le asor me fän mesen ewe Samol mi Lapalap, iei mine ra pin. Iwe, repwe eu asisilen fön ngeni ekewe aramasen Israel.”

Föför 2:39

Pun iei met Kot a fen pwon ngenikemi me nöümi kana pwal ngeni chokewe meinisin mi toau, ir meinisin ewe Samol ach we Kot a püsin körireto ren.”

Tuteronomi 11:19

Iwe, oupwe aiti ngeni nöümi kewe ekei kapas, oupwe fos usur lupwen oua mot lon imwemi pwal lupwen oua fetal won al, lupwen oua konola pwal lupwen oua pwätä.

Josua 22:27

Nge ei rongen asor epwe eu pisekin pwärätä lefilach pwal lefilen mwirimwirich, pwe äm aia wesewesen fel ngeni ewe Samol mi Lapalap lon imwan mi pin ren äm asoren kek me sokun asor, pwal asoren kinamwe, nge mwirimwirimi resap tongeni apasa ngeni mwirimwirim lon ekan fansoun mwach, pwe esap wor wiser me won ewe Samol mi Lapalap.’

Josua 4:21

Iwe, a üreni ekewe aramasen Israel, “Are nöümi repwe aisinikemi lon kan fansoun mwach, ‘Met wewen ekei fau?’

Josua 4:5

Iwe, Josua a üreniir, “Oupwe akomwola mwen ewe pworofel än ewe Samol mi Lapalap ämi we Kot o tolong lukalapen ewe chanpupu Jortan. Iwe, eman me eman leimi epwe angei eföü fau o mwärei won afaran fän iten eu me eu ekewe ainangen Israel.