Josua 4:19 - Chuukese Bible

¹⁹ Iwe, ekewe aramas ra towu me lon ewe chanpupu Jortan lon aengolun ränin ewe aeuin maram. Ra aüetä imwer lon Kilkal ötiuen kiännin Jeriko.

Josua 4:19 Iomraidhean Croise

2. King 2:1

Lupwen a tori fansoun pwe ewe Samol mi Lapalap epwe le angeatä Elias läng lon eu ewiniär, Elias me Elisa ra feila seni Kilkal.

Amos 4:4

Iei alon Kot ewe Samol mi Lapalap, “Ämi chon Israel, oupwe feila Petel o föri tipis, oupwe feila Kilkal o achomongala ämi tipis. Oupwe uwato ämi kewe asor iteiten lesosor pwal ämi kewe leengol iteiten ülüngat rän.

Amos 5:5

Ousap küttaei lon Petel, ousap feila Kilkal ika Persepa. Pun chon Kilkal repwe oola, nge Petel epwe tala.”

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Tuteronomi 1:3

Iwe, lon aeuin ränin ewe engol me aeuin maram lon afaiken ier mürin ar towu seni Isip, Moses a kapas ngeni ekewe aramasen Israel meinisin mine ewe Samol mi Lapalap a allük ngeni fän äsengesiir.

Tuteronomi 11:30

(Ekei chuk ra nom pekilan ewe chanpupu Jortan lotoun ewe al sasape ngeni epiläng lon fanüen chon Kanaan mi nonom lon Arapa awenewenen Kilkal ünükün ewe irä ook mi nom lon More.)

Josua 10:43

Mürin, Josua me nöün sounfiu meinisin ra liwiniti Kilkal, ewe leni ia ra nom ie.

Josua 10:6

Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”

Josua 15:7

Ewe kiä a pwal feila seni lon ewe lemolun Akor tori Tepir. Iwe, a feila efeng o weneiti Kilkal mi sasape ngeni ewe chukuchukutän Atumim peliörün ewe lemol. A pwal pwerela tori ekewe kolukun En-semes o müchütiu me En-rokel.

Josua 24:11

Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi.

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.

Josua 5:10

Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko.

Josua 5:9

Nge ewe Samol mi Lapalap a üreni Josua, “Ikenai üa angei senikemi ämi itengau me ren chon Isip.” Iei mine ewe leni a iteni Kilkal tori ikenai.

Josua 9:6

Iwe, ra feila ren Josua lon ewe leni ia chon Israel ra nonom ie me lon Kilkal. Ra üreni Josua me ekewe re Israel, “Äm aia feito seni fanü toau pwe aipwe tüngor ngenikemi pwe sipwe eäni eu pwonen atipeeufengen.”

1. Samuel 10:8

Iwe, kopwe akomwetiu me mwei Kilkal. Ngang üpwe feila reöm pwe üpwe eäni asoren kek me asoren kinamwe. Kopwe witiwitiei lon ükükün fisu rän, tori üpwe feito reöm o ürenuk mine kopwe föri.”

1. Samuel 15:33

Nge Samuel a apasa, “Usun noum ketilas a niela nöün chomong inelap pwe esap chüen wor nöür, iei usun epwe pwal fis ngeni inom, pwe esap chüen wor nöün.” Iwe, Samuel a pökükisietiu Akak fän mesen ewe Samol mi Lapalap me lon Kilkal.