Josua 4:18 - Chuukese Bible

¹⁸ Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.

Josua 4:18 Iomraidhean Croise

1. Kronika 12:15

Ikkei ir ekewe mwän mi fetal lon ewe chanpupu Jortan seni epek tori epek lon ewe aeuin maram, lupwen ewe chanpupu a puwu ekis meinisin. Iwe, ra asüela chokewe meinisin mi nom lon ekewe lemol me peliötiu me pelilotou.

Aisea 8:8

Repwe tolong lon Juta usun eu noter a tolong lon ewe fanü o pwölüela. Nge lölön epwe feitä tori üen aramas. O Emanuel , ekewe chon Asiria repwe chonifetalei unusen fanüom.”

Josua 3:13

Nge lupwen pechen ekewe souasor mi mwärei ewe pworofel än ewe Samol mi Lapalap, ewe mi nemeni unusen fanüfan, repwe ipwelong lon ewe chanpupu Jortan, pupun ewe koluk epwe kaüla. Nge ewe koluk mi putiu me asan epwe aioifengen.”

Josua 3:15

Iwe, ewe chanpupu a urowu ekis meinisin tori ünükün, pun ei otun fansoun räs. Nge lupwen ekewe souasor mi mwärei ewe pworofel ra tori ewe chanpupu Jortan o ipwelong lepetepeetan,

Josua 4:11

Iwe, lupwen ekewe aramas meinisin ra toola pekilan ewe chanpupu Jortan, än ewe Samol mi Lapalap we pworofel me ekewe souasor ra pwal pwerela pekila fän mesen ekewe aramas.

Josua 4:17

Iei mine Josua a allük ngeni ekewe souasor pwe repwe towu.

Josua 4:19

Iwe, ekewe aramas ra towu me lon ewe chanpupu Jortan lon aengolun ränin ewe aeuin maram. Ra aüetä imwer lon Kilkal ötiuen kiännin Jeriko.