Josua 4:11 - Chuukese Bible

¹¹ Iwe, lupwen ekewe aramas meinisin ra toola pekilan ewe chanpupu Jortan, än ewe Samol mi Lapalap we pworofel me ekewe souasor ra pwal pwerela pekila fän mesen ekewe aramas.

Josua 4:11 Iomraidhean Croise

Aisea 52:12

Nge ousap towu fän atapwalapwal, ousap pwal sü. Iwe, ewe Samol mi Lapalap epwe akom mwemi, ewe Koten Israel epwe kükümwir o tümwünükemi.

Josua 24:11

Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi.

Josua 3:17

Nge lupwen chon Israel meinisin ra pwerela pekila won pwül mi pwasapwas, ekewe souasor mi mwärei än ewe Samol mi Lapalap we pworofel ra ütä won pwasapwas lukalapen ewe chanpupu Jortan, tori chon Israel meinisin ra toola pekilan ewe chanpupu.

Josua 3:8

Iwe, kopwe allük ngeni ekewe souasor mi mwärei ewe pworofel, pwe lupwen repwe tori ünükün ewe chanpupu Jortan, repwe tolong o üla lon.”

Josua 4:10

Nge ekewe souasor mi mwärei ewe pworofel ra ü lukalapen ewe chanpupu Jortan, tori ekewe aramas ra wes le föri mine ewe Samol mi Lapalap a allük ngeni Josua. Ekei kapas meinisin Moses a fen allük ngeni Josua. Iwe, ekewe aramas ra pwerela fän pacheu.

Josua 4:12

Iwe, chon ekewe ainangen Rupen me Kat pwal esopun ewe ainangen Manasa ra pwerela pekila mwen ekewe aramasen Israel fän ar pisekin maun, usun Moses a amwirimwir ngeniir.

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.