Josua 3:5 - Chuukese Bible

⁵ Iwe, Josua a üreni ekewe aramas, “Oupwe apinikemi, pun lesor ewe Samol mi Lapalap epwe föri manaman lefilemi.”

Josua 3:5 Iomraidhean Croise

Hiop 1:5

Nge lupwen ekewe ränin kametip ra wesila, Hiop a tiitiir pwe epwe apiniir. A pwätä lesosorusich o eäni eu asoren kek fän iten nöün kewe meinisin, pun a üra, “Eli a fis pwe nei kewe alüal ra tipis o amamäsini Kot lon leluker.” Iei usun Hiop a föri fansoun meinisin.

Kölfel 77:15

Ren om manaman ka angasa noum aramas, ir ekewe mwirimwirin Jakop me Josef.

Kölfel 86:10

Pun en ka tekia, ka föri mettoch mi amwarar, en echök Kot.

Sowel 2:16

Oupwe achufengeni ekewe aramas o apiniir. Oupwe amwichafengeni ekewe ätemirit o achufengeni ekewe semirit me ekewe mönükol. Iwe, pwal ekewe mi apwüpwülüfö repwe towu seni rumwer o feito.

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Lifitikos 20:7

Iei mine oupwe püsin apinikemi pwe oupwe pin, pun ngang ewe Samol mi Lapalap ämi we Kot.

Numperis 11:8

Iwe, ekewe aramas ra fetalfeil o ionifengeni ewe mana, ra pwal fööira lon lenien fööir ika wüsi lon lenien wüsüs. Mürin ra kuku lon nape o nokopuni. Iwe, nennan a usun nennen nokop mi firain lon apüra.

Johannes 17:19

Iwe, üa püsin apiniei fänäsengesiir, pwe pwal ir repwe pin lon let.

Josua 3:13

Nge lupwen pechen ekewe souasor mi mwärei ewe pworofel än ewe Samol mi Lapalap, ewe mi nemeni unusen fanüfan, repwe ipwelong lon ewe chanpupu Jortan, pupun ewe koluk epwe kaüla. Nge ewe koluk mi putiu me asan epwe aioifengen.”

Josua 3:15

Iwe, ewe chanpupu a urowu ekis meinisin tori ünükün, pun ei otun fansoun räs. Nge lupwen ekewe souasor mi mwärei ewe pworofel ra tori ewe chanpupu Jortan o ipwelong lepetepeetan,

Josua 3:4

pwe oupwe silei ewe al oupwe pwerela won. Pun ämi ousap mwo pwerela won ei al me mwan. Nge epwe wor wäwän lefilemi me ewe pworofel ina epwe ükükün esop mail, pwe ousap kan ngeni.”

Josua 3:6

Nge Josua a üreni ekewe souasor, “Oupwe eki ewe pworofel o akomwola mwen ekewe aramas.” Iwe, ra eki ewe pworofel o akomwola mwen ekewe aramas.

Josua 7:13

Kopwe ütä o apini ekewe aramas. Kopwe üreniir pwe repwe apiniir o amol ngeni lesor. Pun iei aloi, ngang ewe Samol mi Lapalap ewe Koten Israel, ‘Ämi chon Israel, a wor mettoch leimi mi pin ngenikemi. Ousap tongeni pwora ngeni chon oputakemi, tori oupwe ataela ekewe mettoch mi pin ngenikemi.’

1. Samuel 16:5

Nge Samuel a pälüeniir, “Ewer, üa feito fän kinamwe. Üa feito pwe üpwe eäni eu asor ngeni ewe Samol mi Lapalap. Oupwe apinikemi o etiei le asor.” Iwe, Samuel a apini Jesi me nöün kewe mwän o köriir pwe repwe eti ewe asor.