Josua 3:4 - Chuukese Bible

⁴ pwe oupwe silei ewe al oupwe pwerela won. Pun ämi ousap mwo pwerela won ei al me mwan. Nge epwe wor wäwän lefilemi me ewe pworofel ina epwe ükükün esop mail, pwe ousap kan ngeni.”

Josua 3:4 Iomraidhean Croise

Keneses 31:2

Jakop a pwal küna pwe Lapan esap chüen wopwapwa ngeni usun me mwan.

1. Kronika 11:2

Lon ekewe fansoun lom, lupwen Saul a chüen nemenikem, en ewe ka fen emweni ewe mwichen sounfiun Israel lon maun. Iwe, ewe Samol mi Lapalap om we Kot a ürenuk, ‘En kopwe chon masen nei aramasen Israel, kopwe pwal ar king.’”

Kölfel 25:12

Iö ewe aramas a niuokusiti ewe Samol mi Lapalap? Kot epwe aiti ngeni ewe al epwe fetal won.

Kölfel 89:7

En ewe Kot ewe mwichen chon pin a niwelapeituk. Ka kon eniwokus lap seni meinisin mi nom ünükumw.

Ekistos 19:12

Iwe, kopwe föri eu kiä pwelin ünükün ewe chuk o üreniir, ‘Oupwe afälikemi pwe ousap feitä won ewe chuk ika arap ngeni kiännin. Pun iö epwe ipwetä won ewe chuk epwe fokun mäla.

Ekistos 3:5

Iwe, Kot a apasa, “Kosap arapoto. Kopwe pwilitawu ipwom sus, pun ei leni ka ütä won a pin.”

Ekistos 4:10

Nge Moses a üreni ewe Samol mi Lapalap, “Ai Samol, sap ngang eman mi sousile kapas seni me lom pwal tori ei fansoun ka kapas ngeniei ngang noum ei chon angang, pwe ngang eman mi angangau le kapas.”

Aisea 30:33

Pun eu lenien ekkei a amol seni me lomlom. Ewer, a amol fän iten ewe kingen Asiria. Iwe, pwangen ewe lenien ekkei a alolol pwal chölap, a pwal ur ren chomong amüch me ekkei. Enienin ngasangasen ewe Samol mi Lapalap mi usun chök ütten primston epwe fisi.

Aisea 48:17

Iei alon ewe Samol mi Lapalap om Chon Amanau, Ewe mi Pin lon Israel, “Ngang ewe Samol mi Lapalap om we Kot. Üa aiti ngonuk mine kopwe feiöch ren, üa pwal emweni ngonuk ewe al kopwe fetal won.

Josua 3:3

Iwe, ra üreni ekewe aramas, “Lupwen oua küna pwe ekewe souasor ra mwärei än ewe Samol mi Lapalap we pworofel, ina otun ämi oupwe pwal sai seni leniemi o tapwela mürir,

Josua 3:5

Iwe, Josua a üreni ekewe aramas, “Oupwe apinikemi, pun lesor ewe Samol mi Lapalap epwe föri manaman lefilemi.”