Josua 3:3 - Chuukese Bible

³ Iwe, ra üreni ekewe aramas, “Lupwen oua küna pwe ekewe souasor ra mwärei än ewe Samol mi Lapalap we pworofel, ina otun ämi oupwe pwal sai seni leniemi o tapwela mürir,

Josua 3:3 Iomraidhean Croise

2. Samuel 6:13

Nge lupwen ekewe mwän mi eki än ewe Samol mi Lapalap we pworofel ra aipwala woneipw, Tafit a öürela o eäni asor eman ätemwänin kow me eman nienifön kow mi kitinup.

2. Samuel 6:3

Iwe, ra angei än Kot we pworofel me lon imwen Apinatap mi nom won ewe chuk, o anomu won efoch minefön woken. Nge Usa me Ahio nöün Apinatap kewe mwän ra wisen uwei ewe minefön woken,

1. King 8:3

Lupwen ekewe souakomwen Israel meinisin ra feito, ekewe souasor ra ekietä wor än ewe Samol mi Lapalap we pworofel,

Jeremaia 33:18

Epwe pwal fokun wor souasor seni ewe ainangen Lefi repwe eäni asoren kek ngeniei, repwe keni asoren mongö o eäni sokopaten asor fansoun meinisin.”

Numperis 10:33

Iwe, ekewe aramasen Israel ra sai seni chukun ewe Samol mi Lapalap o sai lon ükükün ülüngat rän. Nge än ewe Samol mi Lapalap we pworun pwon a akomwola mwer, pwe epwe kütta ia repwe asösö ie.

Numperis 4:15

Nge are Aaron me nöün kewe mwän ra wes le pwölüela ekewe pisek mi pin me mettochun meinisin lupwen fansoun än chon Israel repwe sai, mürin nöün Kohat kewe mwän repwe feito o mwärei ekewe pisek. Nge resap tongeni atapa ekewe pisek mi pin pwe resap mäla. Ikkei pisekin ewe imwenfel seni mangaku nöün Kohat kewe mwän ra wisen mwärei.

Mateus 16:24

Mürin Jesus a üreni nöün kewe chon kaiö, “Are eman a mochen etiei, epwe pölükü manauan, epwe mwärei an iräpenges o tapweto müri.

Mateus 8:19

Iwe, eman Sensen Allük a feito ren o üreni, “Sense, ngang üa molotä ai üpwe etuk ekis meinisin ia kopwe feila ie.”

Tuteronomi 31:25

a allük ngeni ekewe mwän seni ewe ainangen Lefi mi mwärei än ewe Samol mi Lapalap pworun pwon,

Tuteronomi 31:9

Iwe, Moses a makeelong ei allük lon eu puk o ngeni ekewe souasor seni ewe ainangen Lefi mi mwärei ewe pworun pwon än ewe Samol mi Lapalap, a pwal ngeni ekewe souakomwen chon Israel.

Josua 3:4

pwe oupwe silei ewe al oupwe pwerela won. Pun ämi ousap mwo pwerela won ei al me mwan. Nge epwe wor wäwän lefilemi me ewe pworofel ina epwe ükükün esop mail, pwe ousap kan ngeni.”

Josua 3:6

Nge Josua a üreni ekewe souasor, “Oupwe eki ewe pworofel o akomwola mwen ekewe aramas.” Iwe, ra eki ewe pworofel o akomwola mwen ekewe aramas.

Josua 3:8

Iwe, kopwe allük ngeni ekewe souasor mi mwärei ewe pworofel, pwe lupwen repwe tori ünükün ewe chanpupu Jortan, repwe tolong o üla lon.”

Josua 4:10

Nge ekewe souasor mi mwärei ewe pworofel ra ü lukalapen ewe chanpupu Jortan, tori ekewe aramas ra wes le föri mine ewe Samol mi Lapalap a allük ngeni Josua. Ekei kapas meinisin Moses a fen allük ngeni Josua. Iwe, ekewe aramas ra pwerela fän pacheu.

Josua 6:6

Iwe, Josua nöün Nun we mwän a körato ekewe souasor o üreniir, “Oupwe eki ewe pworofel, nge füman me leimi repwe uwei fisu rappwa seni mächän ätemwänin sip me mwen än ewe Samol mi Lapalap we pworofel.”

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.

1. Samuel 6:15

Iwe, ekewe mwän seni ewe ainangen Lefi ra uwätiu än ewe Samol mi Lapalap we pworofel, pwal ewe pwor mi nom ünükün, ia ekewe uluulun nakich me pwo seni kolt ra nom ie, o iseniir won ewe fau mi föümong. Lon ewe ränin ekewe re Pet-semes ra eäni asoren kek me sokun asor ngeni ewe Samol mi Lapalap.