Josua 3:15 - Chuukese Bible

¹⁵ Iwe, ewe chanpupu a urowu ekis meinisin tori ünükün, pun ei otun fansoun räs. Nge lupwen ekewe souasor mi mwärei ewe pworofel ra tori ewe chanpupu Jortan o ipwelong lepetepeetan,

Josua 3:15 Iomraidhean Croise

2. King 2:6

Mürin, Elias a üreni Elisa, “Üa tüngor ngonuk pwe kopwe le nonom ikei, pun ewe Samol mi Lapalap a tiniela ren ewe chanpupu Jortan.” Nge Elisa a üra, “Mwo manauen ewe Samol mi Lapalap, pwal mwo manauom, üsap likituk.” Iei mine ekewe ruoman ra mwinela.

1. Kronika 12:15

Ikkei ir ekewe mwän mi fetal lon ewe chanpupu Jortan seni epek tori epek lon ewe aeuin maram, lupwen ewe chanpupu a puwu ekis meinisin. Iwe, ra asüela chokewe meinisin mi nom lon ekewe lemol me peliötiu me pelilotou.

1. Kronika 12:16

Iwe, ekoch me lein chon ekewe ainangen Peniamin me Juta ra pwal feila ren Tafit lon ewe leni mi pöchökül.

Aisea 26:6

Iwe, chokewe mi nom lon riaföü me wöüngau ra puri ewe telinimw.

Jeremaia 12:5

Iwe, ewe Samol mi Lapalap a pälüeni, “Are ka kitir ngeni aramas, nge ka malülü ren, ifa usun om kopwe kitir ngeni oris? Are ka chepetek me lon eu leni mi öch, met kopwe föri me lein ewe wöllap ünükün ewe chanpupu Jortan?

Jeremaia 49:19

Usun eman laion a towu seni ewe wöllap arun ewe chanpupu Jortan o feila ngeni eu lenien enen sip, iei usun üpwe müttir feito o asüela chon Etom seni fanüer. Mürin üpwe awisa ätewe üa filätä pwe epwe nemeni Etom. Iö epwe wewe ngeniei? Iö epwe pälüeniei? Meni souemwen a tongeni ü ngeniei?

Nahum 1:4

A apwüngü ewe matau o apwasapwasatä, a akotätä ekewe chanpupu meinisin. Ekewe tanipi lon Pasan ra aiolol, irän won ewe chuk Karmel ra oleol lechör, nge ekewe pön irän Lepanon ra aiemämä.

Josua 3:13

Nge lupwen pechen ekewe souasor mi mwärei ewe pworofel än ewe Samol mi Lapalap, ewe mi nemeni unusen fanüfan, repwe ipwelong lon ewe chanpupu Jortan, pupun ewe koluk epwe kaüla. Nge ewe koluk mi putiu me asan epwe aioifengen.”

Josua 4:18

Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.