Josua 3:1 - Chuukese Bible

¹ Iwe, lesosorusich Josua me ekewe aramasen Israel meinisin ra sai seni Sitim. Ra tori ewe chanpupu Jortan o aüetä imwer ikenan me mwen ar repwe feila pekilan.

Josua 3:1 Iomraidhean Croise

Keneses 21:14

Iei mine Apraham a pwätä lesosorusich, a angei mongö me eu rumen koluk o isetä won afaren Hakar. Iwe, a tinirela me nöün we ät. Iwe, Hakar a feila o süsüfeil lon ewe fanüapön Peersepa.

Keneses 22:3

Iei mine Apraham a pwätä lesosorusich, a äsätta mwüch fän iten ewe asoren kek o rietä won nöün aas. A pwal angei Isaak nöün we me ruoman nöün kewe chon angang, pwe repwe eti. Iwe, ra feila lon ewe leni Kot a aiti ngeni.

Kölfel 119:60

Üa amüttiriei pwe üpwe aleasochisi om kewe allük, nge üsap mang.

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 26:5

are ousap afäli alon nei kewe chon angang ekewe soufos, chokewe üa soun tinirela remi, nge ämi ousap aüselingeer,

Jeremaia 7:13

Lupwen oua föri ekei föför meinisin, üa chök sopwela le fofos ngenikemi, nge ämi ousap mochen aüseling. Üa kökkörikemi, nge ousap mochen päpälüen.

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Numperis 25:1

Iwe, lupwen ekewe chon Israel ra nonom lon Sittim, ekewe mwän ra lisowu ngeni ekewe fin Moap.

Markus 1:35

Wünümweeränin sorotän ewe rän, lupwen akkar esamwo tötä, Jesus a pwätä o towu seni ewe imw. A feila lükün ewe telinimw lon eu leni ia esap wor aramas ie o a iotek.

Josua 2:1

Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 6:12

Iwe, Josua a pwätä lesosorusich, nge ekewe souasor ra eki än ewe Samol mi Lapalap we pworofel.

Josua 6:15

Iwe, lon afisuen rän ra pwätä lesosorusich o karis lükün pwelin ewe telinimw fän fisu usun chök me mwan. Nge lon ewe chök rän ra karis lükün pwelin ewe telinimw fän fisu.

Josua 7:16

Iwe, Josua a pwätä lesosorusich o amwichato chon Israel lon eu me eu ainang, nge ewe ainangen Juta a siil.

Josua 8:10

Iwe, Josua a pwätä lesosorusich o körifengeni ekewe sounfiu. Mürin a akomwola mwer, nge ekewe souakomwen Israel ra eti.

Soukapwüng 20:19

Mürin, ekewe re Israel ra ütä lesosor, ra feila o nom arap ngeni Kipea.

1. Samuel 17:20

Iwe, Tafit a pwätä lesosorusich o likitala ekewe sip ren eman chon tümwün, a angei ekewe mongö o feila, usun Jesi a allük ngeni. A tori ewe lenien sounfiu, lupwen ekewe sounfiun Israel ra towu lon ewe wirasen maun fän ar akarükaken maun.