Josua 24:7 - Chuukese Bible

⁷ Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam.

Josua 24:7 Iomraidhean Croise

Ekistos 14:10

Lupwen Farao a arap ngeniir, ekewe aramasen Israel ra chimwätä o küna pwe ekewe chon Isip ra telito müriir. Iwe, ra fokun niuokus o siö ngeni ewe Samol mi Lapalap.

Ekistos 14:20

pwe epwe nonom lefilen ewe mwicheichen re Isip me ewe mwicheichen chon Israel. Lon ewe pwinin, ewe ürekuchu a rochopwak kuku ngeni ekewe re Isip, nge a asarama kuku ngeni chon Israel, pwe resap tongeni chufengen lon unusen ewe pwin.

Ekistos 14:31

Lupwen ekewe chon Israel ra küna än ewe Samol mi Lapalap manaman a föri ngeni ekewe re Isip, ra meniniti ewe Samol mi Lapalap, ra pwal lükü i me nöün we chon angang Moses.

Tuteronomi 1:46

Iei usun oua nonomotam Kates lon chomong rän.”

Tuteronomi 2:14

Iwe, seni ewe fansoun lupwen sa towu seni Kates-parnea tori sa feila pekilan ewe öüwö Seret ükükün ilik me walü ier. Lon ei fansoun unusen ewe täppin aramas ir sounfiu ra rosola, usun ewe Samol mi Lapalap a pwon fän akapel pwe epwe fis ngeniir.

Tuteronomi 29:2

Iwe, Moses a körifengeni chon Israel meinisin o üreniir, “Oua küna meinisin mine ewe Samol mi Lapalap a föri fän mesemi ngeni Farao ewe kingen Isip, ngeni nöün kewe nöüwis meinisin, pwal ngeni unusen fanüan.

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?

Ipru 3:17

Nge iö Kot a song ngeni lon ükükün faik ier? Ir chokewe mi tipis o mätiu lon ewe fanüapö.

Josua 5:6

Pun a pwon fän akapel ngeniir, pwe esap mwüt ngeniir pwe repwe küna ewe fanü mi pwülüöch o fanüeräs a pwon ngeni ar kewe lewo, pwe epwe ngeniir.