Josua 24:19 - Chuukese Bible

¹⁹ Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.

Josua 24:19 Iomraidhean Croise

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Kölfel 99:3

Aramas meinisin repwe mwareiti itan mi tekia o eniwokus. Kot a pin.

Kölfel 99:5

Oupwe ingeiti ewe Samol mi Lapalap ach Kot, oupwe fel ngeni me mwen alongolongun pechen. I a pin.

Kölfel 99:9

Oupwe ingeiti ewe Samol mi Lapalap ach we Kot o fel ngeni me arun chukun we mi pin, pun ewe Samol mi Lapalap ach Kot a pin.

Ekistos 20:5

Kosap chapetiu ngeniir are fel ngeniir, pun ngang ewe Samol mi Lapalap om Kot eman Kot mi lukomong. Üa liwini än samasam föföringau won nöür kana tori aülüngatin are arüanün tettelin chokana mi oputaei.

Ekistos 23:21

Oupwe aüselinga alon o aleasochis ngeni, pun ngang üa tinala remi. Ousap ü ngeni, pun esap amusala ämi ü ngeni.

Ekistos 34:14

Ousap fel ngeni pwal eman kot, pun ngang ewe Samol mi Lapalap itei lukomong, ngang eman Kot mi lukomong won aramasei.

Ekistos 34:7

Üa eäni tong ngeni ngeröü o amusala föföringau me pupungau me tipis. Nge üsap amusafatei chon tipis, pwe üa liwini än samasam tipis won nöür me nöün nöür tori aülüngatin me arüanün tettelin aramas.”

Aisea 2:9

Iei mine aramas meinisin ra küna itengau me tekison. Kosap amusala ar tipis.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 30:11

Iwe, oupwe märisi ewe al, ousap epetikem. Äm aisap mochen rongorong usun Ewe mi Pin lon Israel.’”

Aisea 30:15

Iei alon Kot ewe Samol mi Lapalap, Ewe mi Pin lon Israel, “Oupwe küna manau ren ämi liwinsefäl ngeniei me ämi asösö rei, oupwe pwal küna pöchökül ren ämi mosonotam me ämi lükülük. Nge ämi ousap mochen.

Aisea 5:16

nge ewe Samol mi Unusen Manaman epwe tekiatä ren an eäni apwüng, ewe Kot mi pin a püsin pwärätä an pin ren an föri mine a pwüng.

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Lifitikos 11:44

Pun ngang ewe Samol mi Lapalap ämi we Kot. Iei mine oupwe püsin apinikemi pwe oupwe pin, pun ngang üa pin. Ousap püsin alimengauakemi ren ekewe mantötö mi tö won pwül.

Lifitikos 11:45

Ngang ewe Samol mi Lapalap üa emwenikemiiwu seni ewe fanü Isip pwe üpwe ämi Kot. Iei mine oupwe pin, pun ngang üa pin.’”

Lifitikos 19:2

pwe epwe üreni ekewe chon Israel meinisin, “Ämi oupwe pin, pun ngang ewe Samol mi Lapalap ämi Kot üa pin.

Lifitikos 20:26

Ämi oupwe pin fän itei, pun ngang ewe Samol mi Lapalap üa pin. Üa aimwükemiila seni chon ekewe mwü pwe oupwe nei.

Lifitikos 20:7

Iei mine oupwe püsin apinikemi pwe oupwe pin, pun ngang ewe Samol mi Lapalap ämi we Kot.

Nahum 1:2

Ewe Samol mi Lapalap i eman Kot mi lukomong. A apwüngü chokewe mi ü ngeni. Lon an song a ngeni chon oputan chappen ar föför.

Apakuk 1:13

Mesom ra men limöch pwe kosap tongeni nenengeni föför mi ngau, kosap tongeni tipeeu ngeni föför mi mwäl. Nge pwota ka tipeeu ngeni ekei aramas mi eäni rawangau? Pwota ka fanafanala, lupwen ekewe aramasangau ra arosala chokewe mi pwüng seniir?

Mateus 6:24

“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan.

Josua 24:18

Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”

Josua 24:23

Mürin, Josua a üreniir, “Oupwe pöütala ekewe koten ekis mi nom remi o akulu lelukemi ngeni ewe Samol mi Lapalap ewe Koten Israel.”

Rut 1:15

Iwe, Naomi a üreni Rut, “Nengeni, pwülüen pwin pwülüom we a fen liwinla ren aramasan me an kewe kot. Kopwe chök pwal tapwela mürin.”

1. Samuel 3:14

Iei mine üa pwon fän akapel ngeni chon leimwen Eli, pwe ar föföringau esap tongeni musala ren sokopaten asor tori feilfeilachök.”

1. Samuel 6:20

Mürin, ekewe re Pet-semes ra üra, “Iö a tongeni ütä fän mesen ewe Samol mi Lapalap, ewe Kot mi pin? Iö sipwe tinala ren ei pworofel, pwe Kot epwe toau senikich?”