Josua 24:18 - Chuukese Bible

¹⁸ Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”

Josua 24:18 Iomraidhean Croise

Kölfel 116:16

Ai Samol mi Lapalap, ngang noum chon angang. Ngang noum chon angang, nöün noum chon angang fefin. En ka apichala föföi kewe.

Ekistos 10:2

Nge en kopwe eäni apworaus ngeni noum me nöün noum mine üa föri ngeni chon Isip, pwal usun ekewe manaman üa föri me leir. Ren ei oupwe silei pwe ngang ewe Samol mi Lapalap.”

Ekistos 15:2

Ewe Samol mi Laplap ai pöchökül me ai köl, i a amanauaei. I ai Kot, üpwe mwareiti, i än semelapei we Kot, üpwe alinga.

Ekistos 23:31

Iwe, ngang üpwe föri kiän fanüemi seni ewe Setipar tori ewe matau watte, pwal seni ewe fanüapö tori ewe chanpupu Oifrat. Üpwe atolonga fän nemeniemi chon ewe fanü, nge ämi oupwe asürela seni mwemi.

Mika 4:2

Iwe, chomong aramas seni ekewe mwü repwe feito o apasa, “Ousipwe feitä won chukun ewe Samol mi Lapalap ren imwen än Jakop we Kot. I epwe aiti ngenikich mine sipwe föri, pwe sipwe tongeni föri letipan. Pun ewe allük epwe towu seni Sion, nge än ewe Samol mi Lapalap kapas epwe towu seni Jerusalem.”

Sekaraia 8:23

Lon ekana rän engol mwän seni ekewe mwü mi sokola ar kapas repwe amwöchü lepwülün üfen eman chon Juta o üra, ‘Kose mochen kopwe mwüt ngenikem pwe aipwe etikemi, pun äm aia rong pwe Kot a etikemi.’”

Föför 7:45

Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit.

Tuteronomi 10:21

Iwe, oupwe mwareiti i chök. I ämi we Kot mi föri fän itemi ekei mettoch mi manaman o eniwokus mesemi ra küneer.

Tuteronomi 33:27

Ewe Kot mi nom lon fansoun esemüch om lenien op, a iseni fomw pöün mi nom tori feilfeilachök. Iwe, a asüela chon oputom me mwom o ürenuk pwe kopwe aroserela meinisin.

Josua 23:9

Pun ewe Samol mi Lapalap a fen asüela me mwemi ekewe mwü watte o pöchökül. Nge tori ikenai esap wor eman aramas a tongeni ü ngenikemi.

Josua 24:17

Pun ewe Samol mi Lapalap äm we Kot, i a emwenikeemiwu me äm kewe lewo seni ewe fanü Isip, ewe leni ia ra nöünikem amanau ie. Aia küna ekewe manaman i a föri. A tümwünükem lon unusen äm sai lein chon ekewe mwü meinisin ia aia pwerela ie.

Josua 24:19

Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.