Josua 24:17 - Chuukese Bible

¹⁷ Pun ewe Samol mi Lapalap äm we Kot, i a emwenikeemiwu me äm kewe lewo seni ewe fanü Isip, ewe leni ia ra nöünikem amanau ie. Aia küna ekewe manaman i a föri. A tümwünükem lon unusen äm sai lein chon ekewe mwü meinisin ia aia pwerela ie.

Josua 24:17 Iomraidhean Croise

2. Kronika 13:10

Nge me rem, ewe Samol mi Lapalap i äm we Kot, aisap likitala i. A wor rem souasor ir mwirimwirin Aaron mi angang ngeni ewe Samol mi Lapalap, pwal ekewe mwän seni ewe ainangen Lefi mi alisiir lon ar angang.

Ekistos 13:14

Nge ika nöümi mwän repwe aisinikemi lon kan rän mwach, ‘Met wewen ei föför?’, oupwe üreniir, ‘Ewe Samol mi Lapalap a emwenikeemiwu seni Isip ren pöün mi manaman, ewe leni ia ra nöünikem amanau ie.

Ekistos 13:3

Iwe, Moses a üreni ekewe aramas, “Oupwe chechemeni ei rän, ewe rän oua towu seni Isip, ewe leni ia ra nöünikemi amanau ie. Pun lon ei rän ewe Samol mi Lapalap a emwenikemiiwu ren pöün mi manaman. Ousap mongö pilawa mi wor iis lon.

Ekistos 19:4

‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.

Aisea 46:4

Ngang ämi Kot, üpwe tümwünükemi tori fansoun ämi chinlap, lupwen meten möküremi a pwechela. Iwe, üa förikemi o tümwünükemi, üpwe pwal alisikemi o amanauakemi.

Tuteronomi 29:2

Iwe, Moses a körifengeni chon Israel meinisin o üreniir, “Oua küna meinisin mine ewe Samol mi Lapalap a föri fän mesemi ngeni Farao ewe kingen Isip, ngeni nöün kewe nöüwis meinisin, pwal ngeni unusen fanüan.

Tuteronomi 32:9

Nge a filätä ekewe mwirimwirin Jakop pwe ir repwe püsin nöün aramas.

Tuteronomi 7:19

Oupwe chechemeni ekewe feiengau mi watte oua küna ren mesemi, ekewe asisil me manaman, pwal än ewe Samol mi Lapalap emwenikemiiwu ren pöün mi manaman o aköüpöü. Ewe Samol mi Lapalap ämi we Kot epwe föri ngeni ekewe aramas meinisin oua niuokusitiir usun mine a fen föri ngeni chon Isip.

Josua 24:16

Iwe, ekewe aramas ra üreni, “Äm aisap fokun likitala ewe Samol mi Lapalap o angang ngeni pwal ekoch kot.

Josua 24:18

Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”