Biblia Todo Logo
Bìoball air-loidhne

- Sanasan -




Josua 24:15 - Chuukese Bible

15 Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Faic an caibideil Dèan lethbhreac




Josua 24:15
22 Iomraidhean Croise  

Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”


Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.


Nge Elias a ütä fän mesen ekewe aramas meinisin o üra, “Ifa ükükün fansoun ämi oupwe tipemwaramwar won ruu ekiek? Are ewe Samol mi Lapalap i Kot, oupwe fel ngeni, nge are ewe anü Paal i Kot, oupwe chök fel ngeni.” Iwe, ekewe aramas resap pälüeni ngeni och kapas.


Nge mwirimwirin Kanaan pwal ekewe chon Jepus, chon Amor, chon Kirkas,


Üpwe afäliei pwe üsap föri tipis. Inet kopwe feito rei? Üpwe manaueni eu manau mi limöch me lein chon leimwei.


Üa pwon fän akapel o anükünükü pwe üpwe aleasochisi om kewe öüröür mi pwüng.


Kosap eti eu mwichemongun aramas le föri mine a ngau. Nge lupwen ka pwärätä lon kapwüng, kosap sorei mine a pwüng ren om pelieni eu mwichemongun aramas.


Nge ämi ousap chapetiu ngeni ar kewe kot are fel ngeniir, ousap pwal apirü föförür. Iwe, oupwe fokun aturala ar kewe uluulun anümwäl o atatakisi ekewe ür ra fel ngeni.


Iwe, ousap föri eu pwonen atipeeu ngeni chon ewe fanü, pun ar fel me asor ngeni ar kewe kot a usun chök angangen lisowu me rei. Repwe körikemi, nge ämi oupwe etiir le mongö seni ar kewe asor ra asomä ngeniir.


Iei usun Kot ewe Samol mi Lapalap a apasa, “Ämi chon Israel oupwe feila meinisin o angang ngeni ämi kewe uluulun anümwäl. Nge mürin eu fansoun oupwap fokun aüselingaei, nge ousap chüen apiningaua itei mi pin ren ämi asor me ämi kewe uluulun anümwäl.”


Nge are esap amanauakem, en äm king kopwe silei pwe äm aisap fel ngeni om kewe kot, aisap pwal chapetiu ngeni om we uluulun aramas mi för seni kolt ka aüetä.”


Mürin repwe angei ekoch fau o siwilirelong lerasen ekewe fau ra kämwetewu, repwe pwal omwotowusefäli ewe imw.


Iwe, chon ekewe mwü meinisin ra fel o aleasochis ngeni ar kewe kot, nge kich sipwe fel o aleasochis ngeni ewe Samol mi Lapalap ach we Kot tori feilfeilachök.


Iwe, lupwen a tori Antiokia, a küna usun än Kot afeiöchü ekewe aramas, a pwapwa o pese ngeniir, pwe repwe allükülük o let ngeni ewe Samol ren unusen leluker.


ekewe kot än ekewe aramas mi nom unukum, ese lifilifil ika ra kan ngonuk ika ra toau senuk, seni lesopun ewe fanü tori pwal lesopun,


Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,


Iwe, ekewe aramas ra üreni, “Äm aisap fokun likitala ewe Samol mi Lapalap o angang ngeni pwal ekoch kot.


Iwe, üa ürenikemi, ‘Ngang ewe Samol mi Lapalap ämi we Kot. Ousap fel ngeni än chon Amor kewe kot, ir chokewe oua fen nonom lon fanüer.’ Nge ämi ousap aüselinga aloi.”


Lean sinn:

Sanasan


Sanasan