Josua 24:14 - Chuukese Bible

¹⁴ Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap.

Josua 24:14 Iomraidhean Croise

Keneses 17:1

Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.

Keneses 35:2

Iei mine Jakop a kapas ngeni chon leimwan me chokewe meinisin mi eti, “Oupwe pöütala ekewe uluulun anümwäl mi wor remi, oupwe pwal limetikemi o siwili üfemi.

2. King 20:3

“Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

Esra 9:11

en ka allük ngeni noum kewe chon angang ekewe soufos, lupwen ka apasa, ‘Ewe fanü oua tolong lon pwe oupwe fanüeni, eu fanü mi limengau pokiten aramasen ekewe fanü ra aurala ren ar föför mi fokun anioput seni epek tori epek.

Hiop 1:1

Mi wor eman mwän lon ewe fanü Us itan Hiop. Ätei a pwüng o wenechar, a niuokusiti Kot o kul seni föför mi ngau.

Hiop 28:28

Nge a üreni aramas, ‘Ämi niuokusiti ewe Samol iei tipachem, nge ämi sü seni mine a ngau iei weweöch.’”

Kölfel 111:10

Niuokusiti ewe Samol mi Lapalap, iei poputän tipachem. Chokewe meinisin mi föri iei usun ra fefeitä lon ar silelap. Sipwe mwareiti Kot tori feilfeilachök.

Kölfel 119:1

Ra feiöch chokewe resap tipis lon manauer, chokewe mi aleasochisi än ewe Samol mi Lapalap kewe allük.

Kölfel 119:80

Amwo üpwe fokun aleasochisi om kewe allük, pwe üsap säw.

Kölfel 130:4

Nge en ka amusala äm tipis, pwe aipwe niuokusituk.

Kölfel 81:10

Ngang ewe Samol mi Lapalap ämi we Kot, üa emwenikemiiwu seni ewe fanü Isip. Oupwe fokun amassaw, nge ngang üpwe amongökemi.

Isikiel 20:18

Iwe, üa apasa ngeni nöür kewe lon ewe fanüapö: Ousap aleasochisi ekewe allük ämi kewe lewo ra föri, ousap tümwünü örünier kewe, ousap pwal alimengauakemi ren ar kewe uluulun anümwäl.

Isikiel 23:3

Ra amömö inisir fän iten lisowu lon Isip, lupwen ra chüen föpwül. Ikenan mwän ra atapa oupwur o urumwotiti.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Lifitikos 17:7

Iwe, repwe ükütiu le kirikiringau ngeni ewe Samol mi Lapalap ren ar niela ar kewe mönün asor ngeni ekewe anün rochopwak. Ei epwe eu allük fän iter pwe repwe apwönüetä fansoun meinisin seni eu täppin aramas tori eu täppin.

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Föför 9:31

Iwe, lon ena fansoun a fis pwe a kinamwela ekewe mwichefel lon unusen Jutea, Kalilea me Samaria. Ra pöchökülela o chochomongola ren än ewe Ngünmifel alilis o ra manau ren ar asamolu ach Samol.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

Efisos 6:24

Än Kot ümöümöch epwe nonom remi meinisin ämi mi echeni ach Samol Jesus Kraist ren ewe chen esap ükütiu.

Tuteronomi 10:12

“Iwe, ämi chon Israel, met ewe Samol mi Lapalap ämi we Kot a mochen pwe oupwe föri? A chök mochen pwe oupwe meniniti i o föri meinisin mine a allük ngenikemi. Oupwe echeni o angang ngeni seni unusen lelukemi me unusen ngünümi.

Tuteronomi 18:13

Nge ämi oupwe unusen föföröch me fän mesen ewe Samol mi Lapalap ämi we Kot.

Tuteronomi 6:13

Oupwe meniniti ewe Samol mi Lapalap ämi we Kot. Oupwe fel ngeni i chök o eäni itan le pwon fän akapel.

Filipi 1:10

pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Josua 24:2

Iwe, Josua a üreni ekewe aramasen Israel meinisin, “Iei alon ewe Samol mi Lapalap ewe Koten Israel, ‘Me lomlom, ämi kewe lewo ra nom pekilan ewe chanpupu Oifrat o fel ngeni pwal ekoch kot. Eman me leir itan Tera semen Apraham me Nahor.

Josua 24:23

Mürin, Josua a üreniir, “Oupwe pöütala ekewe koten ekis mi nom remi o akulu lelukemi ngeni ewe Samol mi Lapalap ewe Koten Israel.”

1. Samuel 12:14

Are oua meniniti ewe Samol mi Lapalap o angang ngeni, are oua pwal aüselinga alon, nge ousap ü ngeni an kewe allük, are ämi me nöümi king mi nemenikemi oupwe tapwela mürin ewe Samol mi Lapalap ämi we Kot, oupwe feiöch.

1. Samuel 12:24

Nge eu chök, oupwe meniniti ewe Samol mi Lapalap o angang ngeni ren unusen lelukemi fän allükülük. Pun oupwe ekieki usun ekewe mettoch mi amwarar Kot a föri fän itemi.

1. Samuel 7:3

Iwe, Samuel a üreni chon Israel meinisin, “Are oua kul ngeni ewe Samol mi Lapalap ren unusen lelukemi, oupwe pöütala ekewe koten ekis me ekewe uluulun ewe anüfefin Astarot mi nom remi o atolongakemi fän nemenien ewe Samol mi Lapalap, pwe oupwe angang ngeni i chök. Mürin epwe angasakemi seni fän nemenien ekewe chon Filistia.”