Josua 24:12 - Chuukese Bible

¹² Iwe, üa atolongeer lon niuokus me rükö, pwe üpwe asüela ekewe ruoman kingen chon Amor me mwemi. Ei esap fis ren nöümi ketilas ika wokumi esefich.

Josua 24:12 Iomraidhean Croise

Kölfel 135:11

A niela Sihon ewe kingen chon Amor, pwal Ok ewe kingen Pasan me ekewe kingen Kanaan meinisin,

Kölfel 80:10

Ekewe chuk ra pwölüla ren nürün, nge palan kewe ra usun chök palen ekewe irä setar mi fokun watte.

Kölfel 80:9

Ka limeti eu leni fän iten ewe irä pwe epwe tongeni märitä. A tötiu waran fän pwül lealolol, a pwal amasoua ewe fanü.

Ekistos 23:28

Üpwe tinala niuokus me rükö lein chon oputemi, pwe ekewe chon Hiw, chon Kanaan me chon Hit repwe süla me mwemi.

Ekistos 23:31

Iwe, ngang üpwe föri kiän fanüemi seni ewe Setipar tori ewe matau watte, pwal seni ewe fanüapö tori ewe chanpupu Oifrat. Üpwe atolonga fän nemeniemi chon ewe fanü, nge ämi oupwe asürela seni mwemi.

Numperis 21:31

Iwe, ekewe chon Israel ra nonom lon fanüen chon Amor.

Numperis 21:32

Mürin, Moses a tinala chon op pwe repwe operi ewe telinimw Jaser. Iwe, ekewe chon Israel ra liapeni ewe telinimw me wisoposopun kewe o asüela ekewe chon Amor mi nonom ikenan.

Tuteronomi 31:4

Ewe Samol mi Lapalap epwe akufu chon ekewe mwü usun a akufu Sihon me Ok ekewe kingen chon Amor o ataela fanüer, lupwen a aroserela.

Tuteronomi 4:46

o nonom lon ewe lemol ötiuen ewe chanpupu Jortan sasape ngeni Pet-peor lon fanüen Sihon ewe kingen chon Amor mi nemenem lon Hespon. Iwe, Moses me ekewe aramasen Israel ra akufu Sihon, lupwen ra towu seni Isip.

Tuteronomi 4:47

Ra fanüeni fanüan, pwal fanüen Ok ewe kingen Pasan. Ir ekewe ruoman kingen chon Amor mi nonom ötiuen ewe chanpupu Jortan.

Tuteronomi 7:20

Iwe, ewe Samol mi Lapalap epwe pwal tinato feiengau lefiler, tori chokewe mi chüen manau o op me mwemi repwe rosola.

Josua 2:10

Pun aia rong usun ewe Samol mi Lapalap a apwasatä lölön ewe Setipar me mwemi, lupwen oua towu seni Isip. Aia pwal rong usun ämi niela ekewe ruoman kingen chon Amor iter Sihon me Ok ra nom ötiuen ewe chanpupu Jortan.