Josua 24:10 - Chuukese Bible

¹⁰ Nge ngang üsap mochen aüselinga Palam, iei mine a afeiöchükemi. Iei usun üa amanauakemi seni Palak.

Josua 24:10 Iomraidhean Croise

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Numperis 22:35

Nge nöün ewe Samol mi Lapalap we chon läng a üreni Palam, “Kopwe eti ekewe mwän. Nge kopwe üra ekewe chök kapas üpwe ürenuk.” Iei mine Palam a eti nöün Palak kewe souakom.

Tuteronomi 23:5

Nge ewe Samol mi Lapalap ämi we Kot esap rongorong ngeni Palam, pwe a fen sorei ewe anümamau ngeni feiöch fän itemi, pun a tongeekemi.

Josua 24:11

Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi.