Josua 24:1 - Chuukese Bible

¹ Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot.

Josua 24:1 Iomraidhean Croise

Keneses 12:6

Apram a saifeil lon ewe fanü tori ewe leni itan Sikem, ia a wor ie ewe irä ook mi pin än More. Lon ena fansoun ekewe chon Kanaan ra nom lon ewe fanü.

Keneses 35:4

Iwe, ra ngeni Jakop ar kewe uluulun anümwäl mi nom rer, pwal niouter kewe mi nom won selinger. Nge Jakop a ireerela meinisin fän ewe irä ook a arap ngeni Sikem.

1. King 12:1

Iwe, Rehopoam a feila Sikem, pun chon Israel meinisin ra mwichefengen ikenan, pwe repwe seikätä Rehopoam lon wisen king.

2. King 23:1

Mürin, ewe king Josia a titi ekewe souakomwen Juta me Jerusalem, nge ir meinisin ra mwicheto ren.

Föför 10:33

Iei mine üa müttir titi en, nge a mürina pwe ka feito. Iei äm meinisin aia nonom mwen mesen Kot, pwe aipwe aüseling ngeni meinisin mine ewe Samol a allük ngonuk pwe kopwe aiti ngenikem.”

Tuteronomi 29:9

Iei mine oupwe tümwünüöchü le apwönüetä kapasen ei pwon, pwe oupwe fefeitä lon meinisin mine oua föri.

Josua 20:7

Iei mine ra aimwüela Ketes me lon Kalilea lon chukuchukutän ewe fanü Naftali me Sikem lon chukuchukutän ewe fanü Efraim, pwal Kiriat-arapa, iei Hepron lon chukuchukutän ewe fanü Juta me lotoun ewe chanpupu Jortan.

Josua 23:2

Iwe, Josua a körifengeni chon Israel meinisin, nöür kewe souemwen me souakom, nöür kewe soukapwüng me nöür kewe meilap o üreniir, “Iei ngang üa fokun chinlap.

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

1. Samuel 10:19

Nge ikenai oua pöütala ämi we Kot mi amanauakemi seni ämi feiengau me riaföü meinisin. Ämi oua apasa, ‘Kopwe seikätä eman nöüm king.’ Iei mine iei oupwe feito fän mesen ewe Samol mi Lapalap lon en me an ainang, pwal lon en me an eterekes.”