Josua 23:9 - Chuukese Bible

⁹ Pun ewe Samol mi Lapalap a fen asüela me mwemi ekewe mwü watte o pöchökül. Nge tori ikenai esap wor eman aramas a tongeni ü ngenikemi.

Josua 23:9 Iomraidhean Croise

1. King 21:26

Ahap a föri föför mi fokun anioput ren an fel ngeni uluulun anümwäl, usun ekewe chon Amor ra föri, chokewe ewe Samol mi Lapalap a asürela me mwen ekewe aramasen Israel.)

2. Kronika 20:7

En äm Kot, ka asüela chon ei fanü, lupwen noum aramasen Israel ra tolong lon. Ka ngeni ekewe mwirimwirin Apraham chiechiom we ei fanü, pwe repwe fanüeni tori feilfeilachök.

Ekistos 23:23

Iwe, nei chon läng epwe akom mwemi o emwenikemi ngeni fanüen chon Amor, chon Hit, chon Peris me chon Kanaan, chon Hiw me chon Jepus. Iwe, üpwe aroserela meinisin.

Ekistos 23:30

Ekis me ekis üpwe asürela seni mwemi, tori oupwe chomongola o fanüeni ewe fanü.

Föför 7:45

Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit.

Tuteronomi 11:23

mürin ewe Samol mi Lapalap epwe asüela me mwemi chon ekei mwü meinisin, oupwe pwal fanüeni fanüen chon ekewe mwü mi watte o pöchökül senikemi.

Tuteronomi 7:24

Epwe pwal atolonga ar kewe king fän nemeniemi, nge ämi oupwe nirela pwe esap wor eman epwe chüen chechemeniir. Esap wor eman aramas epwe tongeni ü ngenikemi tori oupwe aroserela meinisin.

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 15:14

Iwe, Kalep a asüela seni ewe telinimw mwirimwirin Anak kewe ülüman mwän iter Sesai, Ahiman me Talmei.

Josua 23:5

Iwe, ewe Samol mi Lapalap ämi we Kot epwe püsin tinirewu me mwemi, epwe pwal asürela, lupwen oupwe tolong lon fanüer, nge ämi oupwe fanüeni fanüer, usun ewe Samol mi Lapalap a fen pwon ngenikemi.

Josua 23:8

Nge oupwe fitipachei ewe Samol mi Lapalap ämi we Kot, usun oua fen föri tori ikenai.

Josua 24:18

Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”