Josua 23:7 - Chuukese Bible

⁷ Ousap chiechifengen me chon ekei mwü mi chüen nom leimi, ousap pwal föüni iten ar kewe kot ika eäniir akapel, ousap angang ngeniir ika fel ngeniir.

Josua 23:7 Iomraidhean Croise

2. King 17:12

ra pwal fel ngeni uluulun anümwäl. Ikkei ekewe föför ewe Samol mi Lapalap a üreni pwe resap föri.

2. King 5:18

Eu chök üa äleäl, pwe ewe Samol mi Lapalap epwe amusaeila, are üpwe eti ai samol le feila lon imwen ewe anü Rimon pwe epwe fel ikenan. Are üa amwöchätä pöün o eti le chapetiu me lon imwen ewe anü Rimon, ewe Samol mi Lapalap epwe amusala ei föför üa föri.”

2. Kronika 7:19

Nge are oupwe kul seniei o aleasolap ngeni ai kewe allük me pwüüng üa ngenikemi, are oupwe angang ngeni pwal ekoch kot o fel ngeniir,

Kölfel 16:4

Ekewe aramas mi filätä pwal ekoch kot ra achomonga ar riaföü. Üsap fokun etiir, lupwen ra asor, üsap pwal fel ngeni ar kewe kot.

Ekistos 20:5

Kosap chapetiu ngeniir are fel ngeniir, pun ngang ewe Samol mi Lapalap om Kot eman Kot mi lukomong. Üa liwini än samasam föföringau won nöür kana tori aülüngatin are arüanün tettelin chokana mi oputaei.

Ekistos 23:13

Oupwe afäli meinisin mine üa ürenikemi. Ousap iotek ngeni pwal ekoch kot, ousap fokun mwo nge föüni iter.”

Ekistos 23:33

Iwe, ousap mwüt ngeniir pwe repwe nonom lon fanüemi, pwe resap atupukemilong lon tipis. Pun ika oupwe fel ngeni ar kewe kot, epwe fokun eu lenien likatup ngenikemi.”

Än Salomon Fos 4:14

Kosap feila lon ewe leni ia ekewe aramasangau ra feila ie, kosap pwal apirü än ekewe chon föföringau föför.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 5:7

Iei alon ewe Samol mi Lapalap, “Pwota üpwe amusala ämi tipis? Nöümi kewe ra likitieila o fel ngeni pwal ekoch kot resap wesewesen Kot. Ngang üa amongöör tori ra fokun mötüla, nge ir ra föri föförün lisowu o feila ren imwen ekewe fin lisowu.

Osea 2:17

Üpwe aükätiu me lon awan iten ekewe anü Paal, pwe esap chüen föüni iter.

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Numperis 32:38

Nepo me Paalmeon, nge ra siwili iter. Ra pwal aüsefälietä Sipma. Iwe, ra aitasefäli ekewe telinimw ra aüsefäliretä.

Numperis 33:55

Nge are ousap asüela chon ewe fanü me mwemi, chokewe oua mwüt ngeniir pwe repwe nonom repwe usun chök och mökün mettoch mi ken lon mesemi, pwal usun chök iräfölüföl lepekimi. Iwe, repwe ariaföüükemi lon ewe fanü ia oupwe nonom ie.

1. Korint 15:33

Ousap püsin atupukemi: “Chiechi ngeni aramas mi ngau a angauala manauach.”

Efisos 5:11

Ousap eti aramas le föri ekewe föför mi lomotongau, ekewe föförün rochopwak, nge oupwe sarifiir, pwe repwe pwäwu lon saram.

Tuteronomi 10:20

Iwe, oupwe meniniti ewe Samol mi Lapalap ämi we Kot, oupwe angang ngeni o fitipacheiti, oupwe chök eäni itan le pwon.

Tuteronomi 6:13

Oupwe meniniti ewe Samol mi Lapalap ämi we Kot. Oupwe fel ngeni i chök o eäni itan le pwon fän akapel.

Tuteronomi 6:14

Ousap fel ngeni pwal ekoch kot, ekewe kot än ekewe aramas mi nom arumi.

Josua 23:12

Nge are oupwe tok seni o pach ngeni chon ekewe mwü mi chüen nom leimi, are oupwe pwal pwüpwülüfengen me ir,

Josua 23:8

Nge oupwe fitipachei ewe Samol mi Lapalap ämi we Kot, usun oua fen föri tori ikenai.