Josua 23:3 - Chuukese Bible

³ Ämi oua küna meinisin mine ewe Samol mi Lapalap ämi we Kot a föri ngeni ekei mwü meinisin fän itemi. Pun ewe Samol mi Lapalap ämi we Kot a maun fän itemi.

Josua 23:3 Iomraidhean Croise

Ekistos 14:14

Ewe Samol mi Lapalap epwe fiu fän itemi, nge ämi oupwe chök fanafanala.”

Ekistos 19:4

‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Malakai 1:5

Püsin mesemi repwe küna ei, nge oupwe apasa, “Ewe Samol mi Lapalap a tekia, an iteüöch a tori lükün kiännin Israel.”

Tuteronomi 1:30

Ewe Samol mi Lapalap ämi we Kot mi akom mwemi epwe püsin fiu fän itemi, usun oua fen küna pwe a fiu fän itemi me lon Isip.

Tuteronomi 20:4

Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Tuteronomi 7:17

Iwe, are oupwe ekieki lon lelukemi: Ekei mwü ra watte senikem. Ifa usun, äm aipwe tongeni asürela seni fanüer?

Tuteronomi 7:24

Epwe pwal atolonga ar kewe king fän nemeniemi, nge ämi oupwe nirela pwe esap wor eman epwe chüen chechemeniir. Esap wor eman aramas epwe tongeni ü ngenikemi tori oupwe aroserela meinisin.

Josua 10:14

Iwe, esap wor eu rän usun ei rän lon ekewe fansoun mwan ika me mürin, pwe ewe Samol mi Lapalap a aüselinga alon eman aramas. Pun ewe Samol mi Lapalap a maun fän iten Israel.

Josua 10:42

Iwe, Josua a liapeni ekei king meinisin me fanüer fän eu chök, pokiten ewe Samol mi Lapalap ewe Koten Israel a maun fän iten chon Israel.

Josua 23:10

Iwe, eman mwän me leimi epwe tongeni asüela engeröü mwän, pun ewe Samol mi Lapalap ämi we Kot a maun fän itemi usun a fen pwon ngenikemi.