Josua 23:2 - Chuukese Bible

² Iwe, Josua a körifengeni chon Israel meinisin, nöür kewe souemwen me souakom, nöür kewe soukapwüng me nöür kewe meilap o üreniir, “Iei ngang üa fokun chinlap.

Josua 23:2 Iomraidhean Croise

1. King 1:1

Iwe, lupwen ewe king Tafit a chinlap o ieritam, a fokun würi föü, inamwo ika nöün chon angang ra pwölü ngeni palangket.

1. King 8:1

Mürin, ewe king Salomon a körato ren ekewe souakomwen Israel me mwänirelan ekewe ainang meinisin, pwal ekewe souemwenin ekewe eterekesin Israel. Iwe, a amwichafengeniir lon Jerusalem, pwe repwe uwato lon ewe imwenfel än ewe Samol mi Lapalap we pworofel seni ewe telinimwen Tafit iei Sion.

1. Kronika 23:2

Iwe, Tafit a amwichafengeni ekewe souemwenin Israel meinisin, pwal ekewe souasor me ekewe mwän seni ewe ainangen Lefi.

1. Kronika 27:27

Simei ewe re Rama a wisen tümwünü ekewe tanipin wain, nge Sapti ewe re Sifam a wisen tümwünü ewe lenien iseis wain.

1. Kronika 28:1

Iwe, Tafit a amwichafengeni ekewe meilapen Israel meinisin me lon Jerusalem, meilapen ekewe ainang, meilapen ekewe mwich mi angang ngeni ewe king, ekewe sounemenem won ngeröü me pükü, ekewe nöüwis mi souwani wöün ewe king me chon tümwünü ekewe pwiin man nöün ewe king me nöün kewe mwän. A pwal amwichafengeni ekewe nöüwis mi wisen tümwünü ewe imwen king, ekewe mwän mi pwora me ekewe sounfiu mi sip le maun.

Tuteronomi 31:28

Oupwe emwichato rei souakomwen ämi kewe ainang meinisin, pwal ekewe meilap, pwe üpwe apasa ekei kapas me fän meser o kökköri läng me fanüfan pwe repwe chon pwärätä usur.

Josua 13:1

Iwe, lupwen Josua a fokun chinlap, ewe Samol mi Lapalap a üreni, “Ka fokun chinlapala, nge a chüen wor chomong fanü ousamwo liapeni.

Josua 23:3

Ämi oua küna meinisin mine ewe Samol mi Lapalap ämi we Kot a föri ngeni ekei mwü meinisin fän itemi. Pun ewe Samol mi Lapalap ämi we Kot a maun fän itemi.

Josua 24:1

Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot.

1. Samuel 12:2

Iei a wor ämi we king epwe emwenikemi. Ngang üa chinlap, a pwal pwech mökürei, nge nei kewe mwän ra nom remi. Üa emwenikemi seni lealüali tori ikenai.