Josua 23:14 - Chuukese Bible

¹⁴ Iwe, iei a tori fansoun ai üpwe le mäla. Ämi meinisin oua silei seni lelukemi me letipemi, pwe ewe Samol mi Lapalap a ngenikemi ekewe mettoch mi mürina meinisin a pwon ngenikemi. Iteiten ekewe pwon a eäni ngenikemi ra pwönüetä, nge esap wor eu me leir esap pwönüetä.

Josua 23:14 Iomraidhean Croise

Keneses 47:29

Nge lupwen a arap fansoun än Israel epwe mäla, a körato Josef nöün we o üreni, “Are üa küna cheni me reöm, kopwe sökalong poum fän aföi o pwon ngeniei pwe kopwe kirikiröch o tipelükülük ngeniei. Kosap peiaseniei lon Isip,

1. King 2:2

“Iei üpwe le mäla. Kopwe apöchökülok o etipemwäniik.

1. King 8:56

“Üpwe mwareiti ewe Samol mi Lapalap mi awora kinamwe ngeni nöün aramasen Israel usun a fen pwon. A apwönüetä an kewe pwon mi mürina meinisin a eäni ngeni Moses nöün we chon angang fän iten ekewe chon Israel.

Hiop 30:23

Ewer, üa silei pwe kopwe emweniei ngeni mäla, ngeni ewe leni mi kefilitä fän iten chon manau meinisin.

Ekistos 3:8

Iwe, üa feitiu pwe üpwe angaseer seni chon Isip, üpwe pwal emwenirewu seni ewe fanü o emwenirelong lon eu fanü mi öch o watte, eu fanü mi pwülüöch o fanüeräs, fanüen chon Kanaan, chon Hit, chon Amor, chon Peris, chon Hiw me chon Jepus.

Än Salomon Afalafal 12:5

Iwe, kopwe niuokus le feitä won chukuchukutä, kopwe pwal niuokus le fetal won al. Mökürom epwe üwan. Iwe, kopwe fokun weires le fetal, nge om mochen meinisin epwe ükütiu. Pun aramas repwe feila ngeni ar lenien asösö lon peiaser, nge chon ngüngüres repwe fetal won al.

Än Salomon Afalafal 9:10

Kopwe achocho le angang lon mettoch meinisin ka föri, pun esap wor och angang, ekiek, silelap ika tipachem lon lenien sotup ewe ia kopwe feila ie.

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Numperis 23:19

Kot esap eman aramas pwe epwe chofana, esap pwal i nöün aramas pwe epwe ekieksefäl. Ifa usun, epwe apasa och, nge esap föri? Ika epwe pwonei och, nge esap apwönüetä?

Lukas 21:33

Läng me fanüfan repwe morola, nge ai kapas kana resap fokun morola.

Ipru 9:27

Aramas meinisin repwe mäla fän eu chök, nge mürin Kot epwe apwüngüür.

1. Samuel 3:19

Iwe, Samuel a mämäritä. Nge ewe Samol mi Lapalap a eti. Esap wor eu an kapas esap pwönüetä.