Josua 23:13 - Chuukese Bible

¹³ oupwe fokun silei pwe ewe Samol mi Lapalap ämi we Kot esap chüen asüela chon ekei mwü me mwemi. Nge ir repwe afeiengau ngenikemi usun chök eu lenien likatup ika eu sär, pwal usun chök metekin efoch wokun wichiwich eman a wichi ngeni sökürümi ika efoch fölün irafölüföl lon mesemi, tori oupwe rosola seni ewe fanü mi mürina, ewe Samol mi Lapalap ämi we Kot a ngenikemi.

Josua 23:13 Iomraidhean Croise

1. King 11:4

Pun lupwen Salomon a chinlap, pwülüan kewe ra akulu lelukan pwe a fel ngeni ekewe koten ekis. Iwe, lelukan esap chüen unus ngeni ewe Samol mi Lapalap an we Kot epwe usun leluken Tafit saman we.

2. King 17:18

Iei mine ewe Samol mi Lapalap a fokun song ren chon Israel o asürela seni fän mesan. Esap wor eu ainang a chüen nom, chilon chök ewe ainangen Juta.

2. King 17:20

Iei mine ewe Samol mi Lapalap a pöütala ekewe chon Israel meinisin, a ariaföüür o asechirelong lepöün chon solä, tori a asürela seni fän mesan.

2. King 25:21

Nge ewe kingen Papilon a awateer o nirela me lon Ripla lon ewe fanü Hamat. Iei usun chon Juta ra oola seni fanüer.

2. King 25:26

Mürin, ekewe aramas meinisin, ekewe mi kis me ekewe mi lap, pwal ekewe meilapen sounfiu ra ütä o süla Isip, pun ra fokun niuokusiti ekewe chon Papilon.

Kölfel 69:22

Amwo ar kewe kametip repwe wiliti eu likatup ngeniir, nge ar kewe chulapen mongö mi pin repwe wiliti eu sär mi awarato feiengau wor.

Ekistos 10:7

Mürin, nöün Farao kewe nöüwis ra aisini Farao, “Ifa ükükün fansoun än ewe mwän epwe afeiengauakich? Kopwe mwüt ngeni ekewe mwän pwe repwe feila o fel ngeni ewe Samol mi Lapalap ar we Kot. Kose mwo silei pwe Isip a tala?”

Ekistos 23:33

Iwe, ousap mwüt ngeniir pwe repwe nonom lon fanüemi, pwe resap atupukemilong lon tipis. Pun ika oupwe fel ngeni ar kewe kot, epwe fokun eu lenien likatup ngenikemi.”

Ekistos 34:12

Iwe, oupwe afälikemi pwe ousap föri eu pwon ngeni chon ewe fanü ia oupwe feila ie, pwe resap wiliti eu lenien likatup ngenikemi.

Ekistos 34:16

Nge are oua apwüpwülüa nöümi mwän ngeni nöür föpwül mi fel ngeni ar kewe kot, ir repwe atupu nöümi mwän pwe repwe pwal föri iei usun.

Isikiel 28:24

Iwe, chon ekewe mwü mi nom ünükün Israel resap chüen wewe ngeni iräfölüföl mi ekinasa chon Israel ren ar kapasen turunufas. Ren ei repwe silei pwe ngang Kot ewe Samol mi Lapalap.”

Numperis 33:55

Nge are ousap asüela chon ewe fanü me mwemi, chokewe oua mwüt ngeniir pwe repwe nonom repwe usun chök och mökün mettoch mi ken lon mesemi, pwal usun chök iräfölüföl lepekimi. Iwe, repwe ariaföüükemi lon ewe fanü ia oupwe nonom ie.

Lukas 21:24

Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

Tuteronomi 29:28

Iwe, ewe Samol mi Lapalap a wiiretä seni fanüer lon an song me chou me lingeringer watte o monerela lon pwal eu fanü, usun a fis ikenai.’

Tuteronomi 30:18

üpwe asile ngenikemi ikenai pwe oupwe mäla. Ousap fokun manauatam lon ewe fanü oupwe le feila lon pekilan ewe chanpupu Jortan pwe oupwe fanüeni.

Tuteronomi 4:26

Ikenai üpwe köri läng me fanüfan pwe repwe atipisikemi, pwe are ousap aleasochisiei, oupwe müttir rosola meinisin seni lon ewe fanü ämi oupwe fanüeni mürin ämi feila pekilan ewe chanpupu Jortan. Ousap manauatam won, nge oupwe fokun mäla.

Tuteronomi 7:16

Iwe, oupwe arosala ekewe aramas meinisin ewe Samol mi Lapalap ämi we Kot epwe atolongeer fän nemeniemi. Ousap tongeer, ousap pwal fel ngeni ar kewe kot, pun ei epwe eu lenien likatup ngenikemi.

2. Timoty 2:26

Mürin repwe miritila o sü seni ewe särin Tefil mi liapeniir, pwe repwe föri letipan.

Soukapwüng 2:21

seni ikenai üsap chüen asüela me mwer chon ekewe mwü Josua a likitiir, lupwen a mäla.