Josua 23:11 - Chuukese Bible

¹¹ Iei mine oupwe fokun afälikemi pwe oupwe echeni ewe Samol mi Lapalap ämi we Kot.

Josua 23:11 Iomraidhean Croise

Ekistos 20:6

Nge üa kirikiröch ngeni ngeröün mwirimwirin chokana mi echeniei o aleasochisi ai allük kana.

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Lukas 21:34

“Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

Nöün Paulus Toropwe ngeni ekewe Souläng lon Rom 8:28

Sia silei pwe lon mettoch meinisin Kot a afisätä feiöchün chokewe mi echeni i, chokewe i a köriir pwe repwe föri letipan.

1. Korint 16:22

Iö esap tongei ach Samol i epwe anümamau! Maranatha. (wewen: Äm Samol kopwe feito!)

1. Korint 8:3

Nge ewe aramas mi echeni Kot a sil me ren Kot.

Efisos 5:15

Iei mine oupwe afälikemi lon mine oua föri. Ousap föri föförün chon tiparoch, nge oupwe föri föförün chon tipachem.

Tuteronomi 30:16

Are oupwe aleasochisi ekewe allük än ewe Samol mi Lapalap ämi we Kot üa allük ngenikemi ikenai, are oupwe pwal echeni i o aleasochisi alon pwe oupwe apwönüetä an kewe allük meinisin, an kewe pwüüng me an kewe öüröür, mürin oupwe manau o chomongola. Iwe, ewe Samol mi Lapalap ämi we Kot epwe afeiöchükemi lon ewe fanü oupwe le tolong lon pwe oupwe fanüeni.

Tuteronomi 30:20

Oupwe echeni ewe Samol mi Lapalap ämi we Kot, oupwe aleasochisi alon o fitipacheiti. Pun ren ei oupwe manau o ränin manauemi repwe langatamala lon ewe fanü ewe Samol mi Lapalap a pwon fän akapel pwe epwe ngeni ämi kewe lewo Apraham, Isaak me Jakop.”

Tuteronomi 4:15

Iwe, lon ewe rän ewe Samol mi Lapalap a kapas ngenikemi seni lon ewe ekkei me won ewe chuk Horep, ousap küna lapalapan. Iei mine oupwe fokun afälikemi,

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Ipru 12:15

Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

Josua 22:5

Oupwe fokun aleasochisi ekewe allük me pwüüng Moses nöün ewe Samol mi Lapalap we chon angang a allük ngenikemi: Oupwe echeni ewe Samol mi Lapalap ämi we Kot, oupwe föri letipan o aleasochis ngeni an kewe allük, oupwe pwal fitipacheiti o angang ngeni ren unusen lelukemi me unusen ngünümi.”

Josua 23:10

Iwe, eman mwän me leimi epwe tongeni asüela engeröü mwän, pun ewe Samol mi Lapalap ämi we Kot a maun fän itemi usun a fen pwon ngenikemi.

Josua 23:12

Nge are oupwe tok seni o pach ngeni chon ekewe mwü mi chüen nom leimi, are oupwe pwal pwüpwülüfengen me ir,