Josua 23:10 - Chuukese Bible

¹⁰ Iwe, eman mwän me leimi epwe tongeni asüela engeröü mwän, pun ewe Samol mi Lapalap ämi we Kot a maun fän itemi usun a fen pwon ngenikemi.

Josua 23:10 Iomraidhean Croise

2. Samuel 23:8

Ikkei iten nöün Tafit kewe sounfiu mi pwora: Aemanün Josep-pasepet eman re Takemon. Ätei i ewe meilap me lein ekewe ülüman, a aea wokun siles le niela ükükün walupükü mwän lon eu chök fansoun.

1. Kronika 5:20

Iwe, ra anomu ar apilükülük won Kot o siö ngeni pwe epwe alisiir le maun. Iei mine Kot a aüselinga ar tüngor, pwe ra tongeni akufu chon ewe ainangen Hakri me pelier meinisin.

1. Kronika 5:22

Nge ra pwal niela chomong aramas, pun Kot a alisiir lon ewe maun. Iwe, ra nonom lon fanüer tori ra oola.

Kölfel 35:1

Ai Samol mi Lapalap, kopwe ü ngeni chokewe mi ü ngeniei, kopwe fiu ngeni chokewe mi fiu ngeniei.

Kölfel 46:7

Ewe Samol mi Unusen Manaman a etikich, än Jakop we Kot i ach lenien op mi pöchökül.

Ekistos 14:14

Ewe Samol mi Lapalap epwe fiu fän itemi, nge ämi oupwe chök fanafanala.”

Aisea 30:17

Iwe, engeröü leimi repwe sü ren eman chök mi eniwokusukemi, nge ämi meinisin oupwe sü ren liman chon eniwokusukemi tori oupwe usun chök efoch achen filäik won ungen chuk, pwal usun chök efoch filäik won chukuchukutä.”

Lifitikos 26:7

Oupwe tapweri chon oputakemi ren ketilas, nge ir repwe kuf remi.

Lifitikos 26:8

Iwe, limman senikemi repwe akufu ipükü, nge ipükü repwe akufu engol ngeröü. Iei usun chon oputakemi repwe kuf remi lon maun.

Sekaraia 12:8

Lon ena fansoun ewe Samol mi Lapalap epwe tümwünü ekewe chon Jerusalem, pwe chokewe mi fokun apwangapwang repwe pöchökül usun chök Tafit, nge ekewe mwirimwirin Tafit repwe emweniir usun chök Kot, usun chök nöün ewe Samol mi Lapalap chon läng.

Nöün Paulus Toropwe ngeni ekewe Souläng lon Rom 8:31

Iwe, met sipwe tongeni apasa ren ekei mettoch? Are Kot a penikich, iö epwe tongeni pölüenikich?

Tuteronomi 20:3

Epwe üreniir, ‘Oupwe rongorong ämi chon Israel. Oua amol ikenai pwe oupwe feila maun ngeni chon oputakemi. Esap kükünüla letipemi. Ousap niuokus ika chechech, ousap pwal niueitiir.

Tuteronomi 20:4

Pun ewe Samol mi Lapalap ämi we Kot epwe etikemi o fiu fän itemi ngeni chon oputakemi, pwe epwe awinakemi.’

Tuteronomi 28:7

Iwe, ewe Samol mi Lapalap epwe akufu chon oputemi mi ü ngenikemi. Repwe feito won efoch al pwe repwe maun ngenikemi, nge repwe süla me mwemi won fufoch al.

Tuteronomi 3:22

Kosap niuokusitiir, pun ewe Samol mi Lapalap om we Kot epwe püsin maun fän itom.’”

Tuteronomi 32:20

Iwe, a apasa, “Üpwe amona mesei seniir o pii met sopolar. Pun ir eu täppin aramas mi ngau, aramas resap allükülük.

Tuteronomi 32:30

Pwota eman mwän epwe tongeni tapweri engeröü, pwota ruoman repwe tongeni asüela engol ngeröü? Ifa usun, esap fis ei pokiten ar Kot a amömörela, pokiten ewe Samol mi Lapalap a asechirela?

Josua 10:42

Iwe, Josua a liapeni ekei king meinisin me fanüer fän eu chök, pokiten ewe Samol mi Lapalap ewe Koten Israel a maun fän iten chon Israel.

Josua 23:11

Iei mine oupwe fokun afälikemi pwe oupwe echeni ewe Samol mi Lapalap ämi we Kot.

Josua 23:3

Ämi oua küna meinisin mine ewe Samol mi Lapalap ämi we Kot a föri ngeni ekei mwü meinisin fän itemi. Pun ewe Samol mi Lapalap ämi we Kot a maun fän itemi.

Soukapwüng 15:15

Mürin, Samson a küna chün ngächin eman aas ekärän mäla, a müttir angei o aea le niela engeröü mwän.

Soukapwüng 3:31

Mürin Ehut, Samkar nöün Anat we mwän a filitä. Iwe, i a amanaua chon Israel ren an niela ükükün wonopükü chon Filistia ren efoch wichiwichin kow.

1. Samuel 14:6

Iwe, Jonatan a üreni ewe alüal mi uwei an pisekin maun, “Etto, sipwe feila pekila ren ewe mwichen sounfiu resap sirkomsais. Eli ewe Samol mi Lapalap epwe alisikich. Pun esap wor och a tongeni pinei än ewe Samol mi Lapalap alilis ren chomong ika chokükün.”