Josua 23:1 - Chuukese Bible

¹ Iwe, a la chomong fansoun mürin än ewe Samol mi Lapalap ngeni chon Israel kinamwe seni chon oputeer mi nom ünükür. Lon ei fansoun Josua a fokun chinlap.

Josua 23:1 Iomraidhean Croise

Keneses 25:8

Mürin, Apraham a mäla lupwen a wesewesen chinlap. Iwe, a chufengen me an kewe lewo.

1. King 1:1

Iwe, lupwen ewe king Tafit a chinlap o ieritam, a fokun würi föü, inamwo ika nöün chon angang ra pwölü ngeni palangket.

1. Kronika 23:25

Pun Tafit a apasa, “Pokiten ewe Samol mi Lapalap ewe Koten Israel a fang ngeni nöün aramas kinamwe o imweimw lon Jerusalem tori feilfeilachök,

1. Kronika 27:1

Iwe, iei tettelin ekewe chon Israel ir mwänirelan än semer kewe cho me ekewe sounemenem won ngeröü me pükü, pwal nöür kewe meilap mi wisen angang ngeni ewe king. Iteiten eu me eu maram lon eu ier eu me eu mwich ükükün rüe me rüanüngeröü mwän ra wisen föri ar angang fän emwenien ewe sounemenem mi emweniir lon ewe maram:

2. Kronika 14:1

Iwe, Apia a mäla, nge ra peiaseni ren semelapan kewe lon ewe telinimwen Tafit. Nge Asa nöün we mwän a siwili lon wisan wisen king. Lon fansoun mwün Asa ewe fanü a kinamwe lon ükükün engol ier.

2. Kronika 14:5

A pwal ataela ekewe lenien fel won ekewe leni tekia me ekewe rongen asoren ötüöt me lon ekewe telinimwen Juta meinisin. Iwe, ewe mwü a kinamwe fän nemenian.

2. Kronika 20:30

Iei usun Jehosafat a nemenem fän kinamwe, pun an Kot a awora kinamwe lekiännin fanüan meinisin.

Kölfel 46:9

A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

Aisea 63:14

Iwe, Ngünün ewe Samol mi Lapalap a asösöör, usun eu pwiin kow a feitiu lon eu lemol pwe epwe asösö. Iei usun a emweni nöün aramas pwe itan epwe ling ren.”

Tuteronomi 31:2

o üreniir, “Ngang üa ierini ipükü rüe ikenai. Üsap chüen tufichin ai üpwe emwenikemi. Nge ewe Samol mi Lapalap a pwal üreniei pwe üsap tongeni feila pekilan ewe chanpupu Jortan.

Josua 11:23

Iei usun Josua a liapeni unusen ewe fanü fän alon ewe Samol mi Lapalap ngeni Moses. Iwe, Josua a ngeni chon Israel ewe fanü pwe repwe fanüeni lon ükükün inetin eu me eu ainang. Mürin ewe fanü a kinamwe, pun esap chüen wor maun.

Josua 13:1

Iwe, lupwen Josua a fokun chinlap, ewe Samol mi Lapalap a üreni, “Ka fokun chinlapala, nge a chüen wor chomong fanü ousamwo liapeni.

Josua 21:44

Iwe, ewe Samol mi Lapalap a fang ngeniir kinamwe ekis meinisin, usun a fen pwon ngeni ar kewe lewo. Esap wor eman chon oputeer a tongeni ü ngeniir, pun ewe Samol mi Lapalap a awinner, pwe ra akufu chon oputeer meinisin.

Josua 22:4

Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

1. Samuel 12:2

Iei a wor ämi we king epwe emwenikemi. Ngang üa chinlap, a pwal pwech mökürei, nge nei kewe mwän ra nom remi. Üa emwenikemi seni lealüali tori ikenai.