Josua 22:9 - Chuukese Bible

⁹ Mürin, chon ekewe ainangen Rupen me Kat pwal ewe esopun ainangen Manasa ra imwüfesen me ekewe aramasen Israel me lon Silo lon ewe fanü Kanaan o liwiniti lenier lon ewe fanü Kiliat. Pun iei wesewesen fanüer ra fanüeni fän än ewe Samol mi Lapalap allük ngeni Moses.

Josua 22:9 Iomraidhean Croise

2. Samuel 2:9

Ikenan Apner a seikätä Isiposet pwe epwe kingen Kiliat, Aser, Jesreel, Efraim me Peniamin, pwal unusen Israel.

1. Kronika 5:9

Ra pwal nonom ötiuen ewe fanü tori ewe fanüapö mi chöüla ngeni ewe chanpupu Oifrat, pun nöür pwiin man ra chomongola lon ewe fanü Kiliat.

Kölfel 60:7

Kiliat fanüei, Manasa pwal fanüei, Efraim imwei akkaw, Juta woki wokun king.

Numperis 32:1

Iwe, chon ekewe ainangen Rupen me Kat a wor chomong nöür pwiin kow. Iwe, ra küna pwe won ewe fanü Jaser pwal won ewe fanü Kiliat ra mürina le foleni kow.

Numperis 32:20

Mürin, Moses a üreniir, “Are oua wesewesen mochen föri iei usun, iei oupwe angei pisekin maun o feila maun fän emwenien ewe Samol mi Lapalap.

Numperis 32:22

Mürin, ika ewe fanü a nom fän nemenian, ämi oupwe liwinla, pun oua apwönüetä mine oua pwon ngeni ewe Samol mi Lapalap me ekewe chon Israel. Mürin, ewe Samol mi Lapalap epwe alletätä pwe ei fanü mi nom ötiuen ewe chanpupu Jortan fanüemi.

Numperis 32:26

Nöüm semirit me pwülüem, pwal nöüm pwiin sip me kow meinisin repwe chök nonom lon ekewe telinimwen Kiliat.

Numperis 32:29

“Are ekewe mwän seni chon ekewe ainangen Kat me Rupen mi molotä ngeni maun repwe etikemi le feila pekilan ewe chanpupu Jortan fän emwenien ewe Samol mi Lapalap, nge ewe fanü epwe nom fän nemeniemi, mürin oupwe ngeniir ewe fanü Kiliat pwe repwe fanüeni.

Tuteronomi 3:18

Lon ena fansoun üa allük ngenikemi, ‘Ewe Samol mi Lapalap ämi we Kot a ngenikemi ei fanü pwe oupwe fanüeni. Ekewe mwän meinisin mi sip le maun me leimi repwe angei pisekin maun o akomwola pekilan ewe chanpupu Jortan mwen pwimi kewe aramasen Israel.

Tuteronomi 3:20

Oupwe eti pwimi kewe chon Israel le maun tori ewe Samol mi Lapalap a asösöör, usun ämi oua pwal asösö. Iwe, ir repwe fanüeni ewe fanü ewe Samol mi Lapalap epwe ngeniir me lotoun ewe chanpupu Jortan. Mürin, eman me eman epwe liwiniti püsin fanüan üa fen ngeni.’

Tuteronomi 34:1

Iwe, Moses a feitä seni ewe maasiesin Moap tori ewe chuk Nepo won ungen Piska mi sasape ngeni Jeriko. Ikenan ewe Samol mi Lapalap a aküna ngeni unusen ewe fanü seni Kiliat tori Tan,

Josua 13:11

Ra pwal fanüeni Kiliat me ewe fanüen chon Kesur me chon Makat, unusen ewe chuk Hermon me unusen Pasan tori Saleka.

Josua 13:25

Iwe, kinikinin fanüer: Jaser me ekewe telinimwen Kiliat meinisin pwal esopun fanüen chon Amon tori Aroer mi nom ötiuen Rapa,

Josua 13:31

pwal esopun Kiliat, Astarot me Etrei ekewe samolun telinimwen mwün Ok lon Pasan. Ikkei inetin esopun mwirimwirin Makir nöün Manasa we mwän a aükük ngeni ükükün ar kewe famili.

Josua 22:10

Iwe, lupwen chon ekewe ainangen Rupen me Kat pwal ewe esopun ainangen Manasa ra tori Kelilot aropen ewe chanpupu Jortan me lon ewe fanü Kanaan, ra senätä eu rongen asor mi fokun watte ikenan.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 5:17

Chon ewe ainangen Kat ra chök nonom peliötiuen ewe chanpupu Jortan. Nge pwota chon ewe ainangen Tan ra chök nonom ren ekewe sip? Pwal chon ewe ainangen Aser ra chök nonom aroset lon ekewe lenien ilen sip.