Josua 22:6 - Chuukese Bible

⁶ Iwe, Josua a afeiöchüür o tinirela. Nge ir ra liwiniti lenier.

Josua 22:6 Iomraidhean Croise

Keneses 14:19

Iwe, a afeiöchü Apram o apasa, “Kopwe feiöch, Apram, me ren ewe Kot mi Unusen Tekia, a föri läng me fanüfan.

Keneses 47:10

Mürin, Jakop a afeiöchü Farao o feila seni.

Keneses 47:7

Mürin, Josef a pwal panalong Jakop saman we pwe epwe ütä fän mesen Farao. Iwe, Jakop a afeiöchü Farao.

2. Samuel 6:18

Lupwen Tafit a wes le eäni ekewe asoren kek me asoren kinamwe, a afeiöchü ekewe aramas fän iten ewe Samol mi Unusen Manaman.

2. Samuel 6:19

Iwe, a aineti efoch pilawa, eu kinikinin fituk me echö nokop seni föün wain mi apwas ngeni eman me eman mwän me fefin me lein ewe mwicheichen aramasen Israel. Mürin, ekewe aramas meinisin ra liwiniti en me imwan.

2. Samuel 6:20

Lupwen Tafit a liwiniti imwan pwe epwe afeiöchü chon an famili, Mikal nöün Saul we fefin a towu pwe epwe churi. Iwe, a üra, “Mwa met, ewe kingen Israel a püsin aitöchü ikenai. A püsin aselelai ikenai me fän mesen ekewe chon angang fefin nöün nöün kewe nöüwis, usun eman mi akkochofäsä a säwemang le püsin aselelai.”

1. King 8:66

Iwe, sorotän ewe rän Salomon a afeilai ekewe aramas. Iwe, ra afeiöchü ewe king o feila ngeni en me lenian fän meseik me pwapwan leluker pokiten ekewe feiöch meinisin ewe Samol mi Lapalap a awora ngeni Tafit nöün we chon angang, pwal ngeni nöün kewe aramasen Israel.

2. Kronika 30:18

Pun eu mwichemongun aramas, chomong me leir ra feito seni ekewe ainangen Efraim, Manasa, Isakar me Sepulon resamwo püsin alimöchüür, nge ra mongö ewe mongön Pasofer lükün pwüngün akotun. Nge Hiskia a iotek fän iter o apasa, “Ai Samol mi Lapalap, en äm kewe lewo we Kot mi eäni kirikiröch, kopwe amusala tipisin ekei aramas

Ekistos 39:43

Iwe, Moses a ouwasacha ewe angang meinisin o küna pwe ra föri usun mine ewe Samol mi Lapalap a fen allük. Iwe, Moses a afeiöchüür.

Lukas 2:34

Mürin Simeon a afeiöchüür o üreni Maria, “Nengeni, ei mönükol a fil me ren Kot pwe epwe eu lenien pöütüla me eu lenien küna manau fän iten chomong lon Israel. Ätei epwe pwal eu asisil me ren Kot chomong aramas repwe ü ngeni lon ar kapas,

Lukas 24:50

Mürin Jesus a emweniirewu seni Jerusalem o feila arap ngeni Petania. Ikenan a aitiela pöün wor o afeiöchüür.

Josua 14:13

Iwe, Josua a afeiöchü Kalep. A ngeni Kalep nöün Jefune we mwän ewe telinimw Hepron pwe epwe telinimweni.

Josua 24:28

Mürin, Josua a tinala ekewe aramas eman me eman ngeni fanüan.

1. Samuel 10:25

Mürin, Samuel a aiti ngeni ekewe aramas pwüngün wisen eman king me an angang. Iwe, a makerelong lon eu puk o iseis lon eu leni mi pin. Mürin Samuel a tinsefälirela eman me eman ngeni lenian.

1. Samuel 13:2

Saul a filätä ülüngeröü mwän seni Israel. Iwe, rüengeröü ra nom ren Saul lon Mikmas pwal lon chukuchukutän ewe fanü Petel, nge engeröü ra nom ren Jonatan lon Kipea lon ewe fanü Peniamin. Nge ekewe lusun aramas a tinirela lon en me lenian.

1. Samuel 2:20

Eli a afeiöchü Elkana me pwülüan we o apasa, “Ewe Samol mi Lapalap epwe fang ngonuk noum me won ewe fefin fän iten ätewe a fangala ngeni ewe Samol mi Lapalap.” Mürin ra liwiniti lenier.