Josua 22:4 - Chuukese Bible

⁴ Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

Josua 22:4 Iomraidhean Croise

1. Kronika 22:18

Iwe, a üreniir, “Ewe Samol mi Lapalap ämi we Kot a etikemi. A fang ngenikemi kinamwe ekis meinisin. Pun i a mwüt ngeniei pwe üpwe akufu chon ei fanü meinisin. Iei ra nom fän nemenien ewe Samol mi Lapalap, pwal fän nemeniemi.

Ekistos 33:14

Iwe, Kot a pälüeni, “Püsin ngang üpwe etuk, üpwe pwal asösök.”

Numperis 32:18

Äm aisap liwiniti imwem tori ekewe aramasen Israel repwe angei en me fanüan.

Tuteronomi 12:9

Pun ousamwo tori ewe lenien asösö, ewe fanü ewe Samol mi Lapalap epwe ngenikemi pwe fanüemi.

Tuteronomi 29:8

Sa angei fanüer o ngeni chon ewe ainangen Rupen me Kat me esopun ewe ainangen Manasa, pwe repwe fanüeni.

Tuteronomi 3:20

Oupwe eti pwimi kewe chon Israel le maun tori ewe Samol mi Lapalap a asösöör, usun ämi oua pwal asösö. Iwe, ir repwe fanüeni ewe fanü ewe Samol mi Lapalap epwe ngeniir me lotoun ewe chanpupu Jortan. Mürin, eman me eman epwe liwiniti püsin fanüan üa fen ngeni.’

Ipru 4:8

Pun are Josua a atolonga ekewe aramas lon ewe asösö Kot a fen pwon, Kot esap pwal kapassefäl me mürin usun pwal eu rän.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 12:6

Iwe, Moses nöün ewe Samol mi Lapalap we chon angang me ekewe aramasen Israel ra akufu ekei ruoman king. Nge Moses a ngeni chon ekewe ainangen Rupen me Kat pwal ewe esopun ainangen Manasa fanüer pwe repwe fanüeni.

Josua 13:15

Iwe, Moses a ngeni chon ewe ainangen Rupen fanüer a aükük ngeni ükükün ar kewe famili.

Josua 13:8

Iwe, ewe esopun ainangen Manasa me chon ekewe ainangen Rupen me Kat ra fen angei fanüer me ren Moses pekilan ewe chanpupu Jortan me peliötiuan, usun Moses nöün ewe Samol mi Lapalap we chon angang a fen ineti ngeniir.

Josua 22:3

Seni ekewe fansoun ra la tori ikenai ousap likitala pwimi kewe. Oua pwal fokun aleasochisi ekewe allük än ewe Samol mi Lapalap ämi we Kot.