Josua 22:18 - Chuukese Bible

¹⁸ Ifa usun, oupwe le tok seni ewe Samol mi Lapalap ikenai? Nge are ämi oua ü ngeni ewe Samol mi Lapalap ikenai, i epwe song ngeni unusen ewe mwichen aramasen Israel lesor.

Josua 22:18 Iomraidhean Croise

2. Samuel 24:1

Iwe, ewe Samol mi Lapalap a pwal songsefäl ngeni chon Israel, pwe a pesei ngeni Tafit pwe epwe föri och mine repwe feiengau ren. A üra, “Kopwe feila o angei iteiten chon Israel me chon Juta.”

1. King 9:6

Nge are ämi me mwirimwirum kana oupwe kul seniei, are oua aleasolap ngeni ai kewe allük me pwüüng üa ngenikemi, are oupwe angang ngeni pwal ekoch kot o fel ngeniir,

2. King 17:21

Mürin än ewe Samol mi Lapalap aimwüela chon Israel seni chon Juta, chon Israel ra seikätä Jeropoam nöün Nepat we mwän pwe epwe ar king. Nge Jeropoam a atupu chon Israel, pwe repwe likitala ewe Samol mi Lapalap o emweniir ngeni ewe tipis mi lap.

1. Kronika 21:1

Iwe, Satan a ü ngeni chon Israel o pesei ngeni Tafit pwe epwe angei iteiten chon Israel.

1. Kronika 21:14

Iei mine ewe Samol mi Lapalap a tinato mätter won chon Israel, pwe ükükün fik ngeröü ra mäla.

2. Kronika 25:27

Seni ewe fansoun, lupwen Amasia a kul seni ewe Samol mi Lapalap, ra rawangauei me lon Jerusalem. Iwe, a süla Lakis. Nge ra attapwa tori Lakis o niela me ikenan.

2. Kronika 34:33

Iwe, Josia a ataela ekewe uluulun anümwäl mi anioput meinisin mi nom lon fanüen chon Israel o allük, pwe meinisin mi nom lon Israel repwe chök angang ngeni ewe Samol mi Lapalap ar we Kot. Iwe, lon unusen ränin manauen Josia resap tokola seni ar aleasochis ngeni ewe Samol mi Lapalap än ar kewe lewo we Kot.

Lifitikos 10:6

Mürin, Moses a üreni Aaron me nöün kewe mwän iter Eleasar me Itamar, “Ousap atorongauei möküremi, ousap pwal kamwei üfemi pwe asisilen ämi letipeta, pwe ousap mäla, nge ewe Samol mi Lapalap esap pwal song ngeni unusen ewe mwichen aramas. Nge pwimi ekewe chon Israel meinisin repwe kechüeiti afeiengauen ewe kar, ewe Samol mi Lapalap a afisätä.

Numperis 16:22

Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”

Numperis 32:15

Pun are oua kul seni ämi aleasochis ngeni Kot, i epwe likitisefäliela ekei aramas lon ewe fanüapö. Ren ei ämi oupwe awarato feiengau wor.”

Tuteronomi 7:4

Pun repwe atoka nöümi seni ewe Samol mi Lapalap pwe repwe fel ngeni pwal ekoch kot. Mürin, ewe Samol mi Lapalap epwe song ngenikemi o müttir arosakemiila.

Josua 22:15

Iwe, ra tori chon ekewe ainangen Rupen me Kat pwal ewe esopun ainangen Manasa me lon Kiliat o üreniir,

Josua 22:16

“Iei alon unusen än ewe Samol mi Lapalap we mwich: Pwota oua kirikiringau ngeni ewe Koten Israel? Pwota oua tok seni ewe Samol mi Lapalap o senätä eu rongen asor fän itemi ikenai lon ämi ü ngeni ewe Samol mi Lapalap?

Josua 22:20

Oupwe chechemeni, pwe lupwen Akan nöün Sera we mwän a aleasolap ngeni ewe allük ren an angei ekewe mettoch mi pin repwe kata, än Kot song a tori unusen ewe mwichen Israel. Sap Akan chök a mäla fän iten an tipis.”

Josua 7:1

Nge ekewe chon Israel ra atai allükün ekewe mettoch mi pin repwe kata. Pun Akan nöün Karmi we mwän, nge Karmi nöün Sapti, nge Sapti nöün Sera seni ewe ainangen Juta, a angei ekoch ekewe mettoch repwe kata. Iwe, ewe Samol mi Lapalap a fokun song ngeni ekewe aramasen Israel.

Josua 7:11

Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.

Josua 7:21

Lupwen üa küna me lein liapach kewe echö owokot mi ling minen Papilon, pwal limu paun silifer me efoch fochun kolt ükükün choun rüe aunus, üa mocheniaitiir o angeer. Üa aopeer fän pwül lon imwei imw mangaku, nge ewe silifer a nom far.”

1. Samuel 12:14

Are oua meniniti ewe Samol mi Lapalap o angang ngeni, are oua pwal aüselinga alon, nge ousap ü ngeni an kewe allük, are ämi me nöümi king mi nemenikemi oupwe tapwela mürin ewe Samol mi Lapalap ämi we Kot, oupwe feiöch.

1. Samuel 12:20

Iwe, Samuel a üreni ekewe aramas, “Ousap niuokus. Ewer, oua föri ei föför mi ngau, nge ousap chök kul seni ewe Samol mi Lapalap, nge oupwe angang ngeni ren unusen lelukemi.