Josua 22:15 - Chuukese Bible

¹⁵ Iwe, ra tori chon ekewe ainangen Rupen me Kat pwal ewe esopun ainangen Manasa me lon Kiliat o üreniir,

Josua 22:15 Iomraidhean Croise

1. Kronika 21:3

Nge Joap a üra, “Amwo ewe Samol mi Lapalap epwe awattela iteiten nöün aramas fän ipükü seni me mwan. Ai samol me ai king, ifa usun, sap ir meinisin noum chon angang? Pwota ka ekiekietä ei sokun? Pwota kopwe atoto tipis won Israel?”

2. Kronika 10:19

Seni ewe ränin tori ikenai ekewe chon Israel ra ü ngeni ewe mwün Tafit me mwirimwirin.

2. Kronika 25:27

Seni ewe fansoun, lupwen Amasia a kul seni ewe Samol mi Lapalap, ra rawangauei me lon Jerusalem. Iwe, a süla Lakis. Nge ra attapwa tori Lakis o niela me ikenan.

2. Kronika 26:18

Ra ü ngeni ewe king Usia o üreni, “Esap wisom Usia, pwe kopwe keni apach mi pwokus ngeni ewe Samol mi Lapalap, nge wisen chök ekewe souasor ir mwirimwirin Aaron kewe mi apinipinila pwe repwe keni apach mi pwokus. Kopwe towu seni ei imw mi pin, pun ka föri mine a ngau. Ei lapalap esap atoto womw iteüöch seni Kot ewe Samol mi Lapalap.”

2. Kronika 28:13

o üreniir, “Ousap uwato ekewe chon oola ikei, pun ren ei oua atoto woch tipis ngeni ewe Samol mi Lapalap mi chu ngeni ewe tipis me föföringau sa fen föri. Pun ach tipis a kon watte, pwe Kot a fokun lingeringeriti Israel.”

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Esra 9:2

Pun ra angei ekoch me lein nöür föpwül o pwülüeniir, ra pwal apwüpwülüeer ngeni nöür mwän. Iei usun ekewe aramas mi pin ra afitiarfengen me aramasen ekewe fanü. Nge ei lapalap mi ngau ekewe nöüwis me ekewe samol ra akom le föri.”

Kölfel 78:8

pwe resap wewe ngeni ar kewe lewo, ewe täppin aramas mi ülöförea me lükümach, ewe täppin aramas leluker esap pos, resap pwal allükülük ngeni Kot.

Ekistos 32:8

Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’

Aisea 63:10

Nge ir ra chök ü ngeni Kot o achouala Ngünün mi pin. Iei mine a wiliti eman chon oputer, a pwal püsin fiu ngeniir.

Lifitikos 26:40

Mürin epwe fis pwe repwe pwärätä ar föföringau, pwal än semer kewe föföringau ra föri ngeniei lon ar ekisolä me ü ngeniei,

Lifitikos 5:19

Iei eu asoren pupungau, pun ewe aramas a tipis ngeni ewe Samol mi Lapalap.

Numperis 14:43

Pun ekewe chon Amalek me chon Kanaan ra nom ikenan, repwe nikemi lon maun. Pokiten oua kul seni ewe Samol mi Lapalap, i esap chüen etikemi.”

Numperis 32:15

Pun are oua kul seni ämi aleasochis ngeni Kot, i epwe likitisefäliela ekei aramas lon ewe fanüapö. Ren ei ämi oupwe awarato feiengau wor.”

Numperis 5:6

“Kopwe üreni ekewe aramasen Israel: Are eman aramas a föri och föför mi mwäl ngeni eman o atai an allükülük ngeni ewe Samol mi Lapalap ren, ewe aramas a tipis.

Mateus 18:17

Iwe, are esap mochen aüseling ngeniir, kopwe asile ngeni chon mwichefel. Nge are esap mochen aüseling ngeni chon mwichefel, kopwe föri ngeni usun om kopwe föri ngeni eman esap lükü Kot ika eman chon ioni takises.

1. Korint 1:10

Üa tüngormau ngenikemi, ämi pwii kana, fän iten ach Samol Jesus Kraist, pwe oupwe tipeeufengen lefilemi, pwe esap wor kinikinfesen leimi. Oupwe fokun tip-eu me ekiek eu.

1. Korint 5:4

Lupwen oua mwichfengen fän iten ach Samol Jesus, ngang üa nom remi lon ngüni. Ren manamanen ach Samol Jesus mi nom remi,

Tuteronomi 30:17

Nge are oupwe tokola, ousap pwal mochen aleasochisi alon, are oupwe fel ngeni pwal ekoch kot o angang ngeniir,

Tuteronomi 7:4

Pun repwe atoka nöümi seni ewe Samol mi Lapalap pwe repwe fel ngeni pwal ekoch kot. Mürin, ewe Samol mi Lapalap epwe song ngenikemi o müttir arosakemiila.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Josua 22:12

Nge lupwen ekewe aramasen Israel ra rong ei pworaus, unusen ar mwich a chufengen lon Silo pwe repwe maun ngeniir.

Josua 22:14

Nge engol samol ra eti Pineas, akaeman seni eu me eu ainangen Israel, pwal ir souemwenin ekewe famili lon ekewe eterekesin Israel.

Josua 22:16

“Iei alon unusen än ewe Samol mi Lapalap we mwich: Pwota oua kirikiringau ngeni ewe Koten Israel? Pwota oua tok seni ewe Samol mi Lapalap o senätä eu rongen asor fän itemi ikenai lon ämi ü ngeni ewe Samol mi Lapalap?

Josua 22:18

Ifa usun, oupwe le tok seni ewe Samol mi Lapalap ikenai? Nge are ämi oua ü ngeni ewe Samol mi Lapalap ikenai, i epwe song ngeni unusen ewe mwichen aramasen Israel lesor.

1. Samuel 15:23

Pun lükümach a wewe ngeni tipisin pwee, nge ülöförea a wewe ngeni föföringau me angangen anümwäl. Pokiten ka pöütala alon ewe Samol mi Lapalap, i a pwal pöütukela pwe kosap chüen king.”