Josua 22:10 - Chuukese Bible

¹⁰ Iwe, lupwen chon ekewe ainangen Rupen me Kat pwal ewe esopun ainangen Manasa ra tori Kelilot aropen ewe chanpupu Jortan me lon ewe fanü Kanaan, ra senätä eu rongen asor mi fokun watte ikenan.

Josua 22:10 Iomraidhean Croise

Keneses 12:7

Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.

Keneses 12:8

Seni ikenan a feila ngeni ewe fanü mi chukuchukutä ötiuen Petel. Iwe, a aüetä imwan imw mangaku lefilen Petel mi nom lotou me Ai mi nom ötiu. Nge ikenan a pwal senätä eu rongen asor fän iten ewe Samol mi Lapalap o fel ngeni.

Keneses 28:18

Iwe, Jakop a pwätä lesosorusich, a angei ewe fau a ülleni lon ewe pwin, a aüetä o ninätä lö won pwe eföü föün achem.

Aisea 19:19

Lon ena fansoun epwe wor eu rongen asor fän iten ewe Samol mi Lapalap lukalapen ewe fanü Isip, epwe pwal wor eföü föün achem fän itan lekiännin.

Josua 22:11

Iwe, ekewe aramasen Israel ra rong pwe chon ekewe ainangen Rupen me Kat pwal ewe esopun ainangen Manasa ra senätä eu rongen asor lekiännin ewe fanü Kanaan lon Kelilot arun ewe chanpupu Jortan won ewe pekin fanüen aramasen Israel.

Josua 22:9

Mürin, chon ekewe ainangen Rupen me Kat pwal ewe esopun ainangen Manasa ra imwüfesen me ekewe aramasen Israel me lon Silo lon ewe fanü Kanaan o liwiniti lenier lon ewe fanü Kiliat. Pun iei wesewesen fanüer ra fanüeni fän än ewe Samol mi Lapalap allük ngeni Moses.