Josua 21:45 - Chuukese Bible

⁴⁵ Iwe, ekewe pwon meinisin ewe Samol mi Lapalap a eäni ngeni ekewe chon Israel ra pwönüetä. Esap wor eu me leir esap pwönüetä.

Josua 21:45 Iomraidhean Croise

1. King 8:15

Mürin a apasa, “Üpwe mwareiti ewe Samol mi Lapalap, ewe Koten Israel, mi apwönüetä mine a eäni pwon ngeni Tafit semei we, lupwen a üra,

1. King 8:20

Iei ewe Samol mi Lapalap a apwönüetä an we pwon a eäni. Pun üa siwili Tafit semei we lon wisan wisen king me lon Israel, usun ewe Samol mi Lapalap a fen pwon. Iwe, üa aüetä ei imwenfel fän iten ewe Samol mi Lapalap, ewe Koten Israel.

1. King 8:24

Ka apwönüetä om pwon ngeni noum chon angang Tafit semei we. Ewer, ikenai a fis meinisin mine ka apasatä.

1. King 8:56

“Üpwe mwareiti ewe Samol mi Lapalap mi awora kinamwe ngeni nöün aramasen Israel usun a fen pwon. A apwönüetä an kewe pwon mi mürina meinisin a eäni ngeni Moses nöün we chon angang fän iten ekewe chon Israel.

Nehemia 9:8

Ka küna pwe a allükülük ngonuk, ka föri eu pwon ngeni pwe kopwe ngeni mwirimwirin kana ewe fanüen chon Kaanan, chon Hit, chon Amor, chon Peris, chon Jepus me chon Kirkas, pwe repwe fanüeni. En ka apwönüetä om we pwon, pun ka pwüng.

Aisea 48:3

Ewe Samol mi Lapalap a üreni Israel, “Me lomlom üa pwärätä ekewe mettoch repwe fis. Üa pwäriretä ren awei o arongafeiliir. Mürin üa müttir föriretä pwe ra fis.

Numperis 23:19

Kot esap eman aramas pwe epwe chofana, esap pwal i nöün aramas pwe epwe ekieksefäl. Ifa usun, epwe apasa och, nge esap föri? Ika epwe pwonei och, nge esap apwönüetä?

1. Korint 1:9

Kot a allükülük, i ewe a körikemi pwe oupwe chiechi ngeni Nöün we Jesus Kraist ach Samol.

1. Tesalonika 5:24

A allükülük ewe mi körikemi, i ewe epwe föri ngenikemi iei usun.

Titus 1:2

Iei ewe let mi longolong won ach apilükülük ngeni ewe manau esemüch. Kot, ewe esap chofona, a pwon ngenikich ei manau me mwen fansoun esepop,

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.

1. Samuel 3:19

Iwe, Samuel a mämäritä. Nge ewe Samol mi Lapalap a eti. Esap wor eu an kapas esap pwönüetä.