Josua 21:43 - Chuukese Bible

⁴³ Iei usun ewe Samol mi Lapalap a ngeni chon Israel unusen ewe fanü a fen pwon fän akapel ngeni ar kewe lewo. Iwe, ra angei fanüer o nonom lon.

Josua 21:43 Iomraidhean Croise

Keneses 12:7

Iwe, ewe Samol mi Lapalap a pwä ngeni Apram o üreni, “Ei fanü üpwe ngeni mwirimwirum kana.” Mürin, Apram a senätä eu rongen asor ikenan fän iten ewe Samol mi Lapalap mi pwä ngeni.

Keneses 13:15

pun unusen ewe fanü ka küna üpwe ngenikemi me mwirimwirum kana pwe oupwe fanüeni tori feilfeilachök.

Keneses 28:4

Amwo epwe afeiöchuk me mwirimwirum kana usun an afeiöchü Apraham, pwe kopwe fanüeni ewe fanü ka wasöla lon, ewe fanü Kot a fen ngeni Apraham!”

2. Kronika 20:8

Iwe, ir ra nonom lon o aüetä won eu imwenfel fän itom. Iwe, ra apasa,

Nehemia 9:24

Iei mine mwirimwirir kewe ra tolong lon ewe fanü o fanüeni. En ka akufu me mwer ekewe chon Kaanan mi nom lon ewe fanü o atolonga fän nemenier ar kewe king me aramasen ewe fanü, pwe repwe tongeni föri ngeniir usun ar mochen.

Nehemia 9:8

Ka küna pwe a allükülük ngonuk, ka föri eu pwon ngeni pwe kopwe ngeni mwirimwirin kana ewe fanüen chon Kaanan, chon Hit, chon Amor, chon Peris, chon Jepus me chon Kirkas, pwe repwe fanüeni. En ka apwönüetä om we pwon, pun ka pwüng.

Kölfel 105:8

I a chechemeni an we pwon tori feilfeilachök, an we kapas a anüküchara ngeni engeröü täppin aramas.

Kölfel 44:3

Pun resap liapeni ewe fanü ren püsin nöür ketilas, resap pwal win ren püsin ar pöchökül, ngei ren om pöchökül me manaman, pwal ren om nonom rer, pun ka tongeer.

Kölfel 78:55

A asüela chon ekewe mwü me mwer. A aineti ngeni ekewe ainangen Israel fanüer pwe repwe fanüeni o ngeniir imwer.

Ekistos 3:8

Iwe, üa feitiu pwe üpwe angaseer seni chon Isip, üpwe pwal emwenirewu seni ewe fanü o emwenirelong lon eu fanü mi öch o watte, eu fanü mi pwülüöch o fanüeräs, fanüen chon Kanaan, chon Hit, chon Amor, chon Peris, chon Hiw me chon Jepus.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Numperis 33:53

Iwe, oupwe angei ewe fanü o nonom lon, pun üa ngenikemi ewe fanü pwe oupwe fanüeni.

Numperis 34:2

“Kopwe allük ngeni ekewe aramasen Israel o üreniir: Lupwen oupwe tolong lon ewe fanü Kanaan, ewe fanü üpwe ngenikemi pwe oupwe fanüeni, epwe iei unusen kiännin:

Tuteronomi 11:31

Ämi oupwe le feila pekilan ewe chanpupu Jortan, pwe oupwe fanüeni ewe fanü ewe Samol mi Lapalap ämi we Kot epwe ngenikemi. Iwe, lupwen oupwe fanüeni o nonom lon,

Tuteronomi 12:29

“Iwe, ewe Samol mi Lapalap epwe arosala chon ekewe mwü me mwemi, chokewe oupwe angei seniir fanüer pwe oupwe fanüeni o nonom lon.

Tuteronomi 17:14

“Iwe, lupwen oupwe tolong lon ewe fanü ewe Samol mi Lapalap ämi we Kot epwe ngenikemi pwe oupwe fanüeni o nonom lon, nge mürin oua apasa, ‘Aipwe eäni eman king usun ekewe mwü meinisin ra nom ünüküm,’

Tuteronomi 34:4

Mürin, ewe Samol mi Lapalap a üreni Moses, “Iei ewe fanü üa pwon fän akapel ngeni Apraham, Isaak me Jakop pwe üpwe ngeni mwirimwirir. Üa mwüt ngonuk pwe kopwe nenengeni ewe fanü ren mesom, nge kosap tolong lon.”

Josua 1:6

Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir.

Josua 21:42

Iwe, eu me eu ekei telinimw a wor fanü pwelin ünükün fän iten nöür man. Iei usun lapalapen ekei telinimw meinisin.

Soukapwüng 11:24

Ämi oupwe fanüeni ewe fanü Kemos ämi we kot a ngenikemi. Nge äm aipwe fanüeni ekewe fanü meinisin ewe Samol mi Lapalap a ngenikem.

1. Samuel 12:8

Lupwen Jakop me an famili ra feila Isip, nge chon Isip ra ariaföüür, ämi kewe lewo ra siö ngeni ewe Samol mi Lapalap. Iwe, ewe Samol mi Lapalap a tinato Moses me Aaron pwe repwe emwenawu ämi kewe lewo seni Isip o afanüa ngeniir ei fanü.