Josua 21:41 - Chuukese Bible

⁴¹ Iwe, chon ewe ainangen Lefi ra angei seni lein fanüen ekewe aramasen Israel ükükün faik me walu telinimw, pwal ekewe fanü ünükür fän iten nöür man.

Josua 21:41 Iomraidhean Croise

Keneses 49:7

Üpwe anümamaua ämi song, pun a fokun chou. Üpwe pwal anümamaua ämi lingeringer, pun a ngau. Üpwe aimwüfesenikemi lon ewe fanüen Jakop o atoropasakemi lon Israel.

1. Kronika 6:64

Iei usun ekewe aramasen Israel ra ngeni chon ewe ainangen Lefi ekewe telinimw, pwal ekewe fanü pwelin ünükür fän iten nöür man.

Tuteronomi 33:10

Iwe, repwe aiti ngeni ekewe mwirimwirin Jakop om pwüng, pwal ngeni ekewe chon Israel om allük. Repwe iseis apach mi pwokus fän mesom o eäni asoren kek won om rongen asor.

Josua 21:3

Iei mine ekewe aramasen Israel ra ngeni chon ewe ainangen Lefi ekei telinimw pwal ekewe fanü ünükür fän iten nöür man seni lon fanüer fän än ewe Samol mi Lapalap allük.

Josua 21:40

Iwe, ekewe familien lon ewe eterekesin Merari, ir lusun chon ewe ainangen Lefi, ra angei ren üttüt ükükün engol me ruu telinimw.

Josua 21:42

Iwe, eu me eu ekei telinimw a wor fanü pwelin ünükün fän iten nöür man. Iei usun lapalapen ekei telinimw meinisin.