Josua 21:1 - Chuukese Bible

¹ Iwe, ekewe souemwenin än Lefi cho ra feito ren ewe souasor Eleasar, ren Josua nöün Nun we mwän, pwal ren souemwenin än ekewe ainangen Israel cho.

Josua 21:1 Iomraidhean Croise

Keneses 49:7

Üpwe anümamaua ämi song, pun a fokun chou. Üpwe pwal anümamaua ämi lingeringer, pun a ngau. Üpwe aimwüfesenikemi lon ewe fanüen Jakop o atoropasakemi lon Israel.

Ekistos 6:14

Ikkei ir mwänirelan ar kewe cho. Nöün Rupen kewe mwän ewe mwänichien nöün Israel: Hanok, Pallu, Hesron me Karmi. Ätekei ir än ar kewe cho lewo mi iteni iter.

Ekistos 6:25

Iwe, Eleasar nöün Aaron mwän a pwülüeni eman lein nöün Putiel fefin. Neminewe a nöüni me won Pinehas. Ikkeiir mwänirelan än Lefi cho lon en me an famili.

Numperis 35:1

Iwe, ewe Samol mi Lapalap a kapas ngeni Moses lon ewe maasiesin Moap arun ewe chanpupu Jortan sasape ngeni Jeriko,

Numperis 35:8

Ekewe telinimw oupwe ngeni chon ewe ainangen Lefi seni fanüen ekewe aramasen Israel epwe aükük ngeni ükükün fanüen eu me eu ainang. Seni ekewe ainang watte oupwe ngeniir chomong, nge seni ekewe ainang kükün oupwe ngeniir ekoch chök.”

Josua 14:1

Iei pworausen inetin ewe fanü Kanaan mi nom lotoun ewe chanpupu Jortan ngeni ekewe aramasen Israel. Ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ewe fanü ngeniir.

Josua 17:4

Ra feito ren ewe souasor Eleasar, ren Josua nöün Nun we mwän, pwal ren ekewe souemwen o üreniir, “Ewe Samol mi Lapalap a allük ngeni Moses, pwe epwe ngenikem fanüem usun chök märärim kewe mwän.” Iei mine Josua a ngeniir fanüer me lein fanüen pwin semer, usun ewe Samol mi Lapalap a allük.

Josua 19:51

Iwe, ikkei ekewe kinikinin fanü ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ren üttüt me fän mesen ewe Samol mi Lapalap lon Silo me leasamalapen ewe imwmangaku ia aramas ra churi Kot ie. Iei usun ra wes le aineti ewe fanü.