Josua 20:9 - Chuukese Bible

⁹ Ikkei ekewe telinimwen op mi kefilitä fän iten ekewe aramasen Israel meinisin, pwal fän iten chon ekis mi siamü lefiler. Pun iteiten eman me eman mi niela eman aramas fän chechengau a tongeni sü ngeniir, pwe esap mäla ren ätewe mi kütta liwinin chan aramasan, tori a fis kapwüngün fän mesen ewe mwichen aramas.

Josua 20:9 Iomraidhean Croise

Numperis 35:13

Oupwe fangala wonu telinimwen op.

Numperis 35:15

Ekewe wonu telinimw repwe lenien op fän iten ekewe aramasen Israel, pwal fän iten ekewe chon ekis mi nom leir me ekewe ir mi wiliposola. Iwe, iteiten eman mi niela eman aramas fän chechengau epwe tongeni sü ngeniir.

Josua 20:4

Iwe, epwe tongeni sü ngeni eu lein ekewe telinimwen op, epwe ütä leasamalapan o apworausa ngeni ekewe souakomwen ewe telinimw mine a fis ngeni. Mürin, repwe emwenalong lon ewe telinimw o alenia pwe epwe nom rer.

Josua 20:6

Iwe, ewe mi niela eman aramas epwe chök nom lon ewe telinimw tori a fis kapwüngün fän mesen ewe mwichen aramas. Nge lupwen ewe souasor mi lap mi wiseni ewe wis lon ewe fansoun a mäla, ina otun ewe aramas a tongeni liwiniti telinimwan we a sü seni.”

Josua 20:8

Nge ötiuen ewe chanpupu Jortan me Jeriko ra filätä Peser mi nom lon ewe fanüapö won ewe fanü mi sosonöch seni fanüen chon ewe ainangen Rupen, nge Ramot lon Kiliat seni fanüen chon ewe ainangen Kat, pwal Kolan lon Pasan seni fanüen chon ewe ainangen Manasa.