Josua 2:9 - Chuukese Bible

⁹ o üreniir, “Üa silei pwe ewe Samol mi Lapalap a ngenikemi ei fanü. Iwe, äm aia niuokusitikemi, nge chon ewe fanü meinisin ra rükö pokitemi.

Josua 2:9 Iomraidhean Croise

Keneses 35:5

Iwe, lupwen Jakop me an we mwich ra popuetä ar sai, eu niuokus watte me ren Kot a tori chon ekewe telinimw mi nom ünükür pwe resap tapweriir.

2. Samuel 17:10

Mürin epwe fis pwe pwal ekewe mwän mi fokun pwora, leluker a usun chök leluken eman laion, epwe fokun kisikisila letiper ren niuokus. Pun chon Israel meinisin ra silei pwe semom eman soumaun, nge chokewe mi eti ra pwora.

2. King 5:15

Mürin, Naeman me nöün kewe chon angang ra liwiniti Elisa. Iwe, a ütä fän mesan o üra, “Iei ükärän silei pwe esap wor eman Kot won unusen fanüfan lükün ewe Koten Israel. Kose mochen kopwe angei eu lifang seniei ngang noum chon angang.”

2. King 7:6

Pun ewe Samol a föri pwe ekewe sounfiun Siria ra rongorong chopuchopun woken me oris, pwal akürangen eu mwichen sounfiu mi watte. Iei mine ra kapasfengen lefiler, “Ewe kingen Israel a möni ekewe kingen chon Hit me ekewe kingen Isip fiti nöür sounfiu, pwe repwe feito o maun ngenikich.”

Nehemia 6:16

Lupwen ekewe chon oputakem ra rongorong usun, nge chon ekewe mwü ünüküm ra küna ei, ra fokun säw, pun ra mefi pwe ei angang a fis ren än Kot alilis ngenikem.

Ester 8:17

Iwe, lon iteiten sop me telinimw ia än ewe king allük a tori ie, ekewe chon Juta ra pwapwa o mwänek, ra pwal eäni ränin asösö o mongöfengen. Iwe, chomong aramas seni ewe fanü ra eti lamalamen chon Juta, pun ra niuokusiti ekewe chon Juta.

Hiop 19:25

Ngang üa silei pwe ailei a manau, nge lon eu rän i epwe ütä won fanüfan.

Kölfel 112:10

Ekewe aramasangau ra küna ei o song ren, ra attina meser, nge mürin resap chüen nom. Än ekewe aramasangau mochen esap pwönüetä.

Kölfel 115:16

Ekewe läng än ewe Samol mi Lapalap echök, nge fanüfan a ngeni aramas.

Ekistos 18:11

Iei üa silei pwe ewe Samol mi Lapalap a tekia seni ekewe kot meinisin, pun a angasa ekewe aramasen Israel seni lepöün chon Isip, lupwen ra turunufaseer.”

Ekistos 23:27

Iwe, üpwe föri pwe chon ü ngenikemi repwe niuokusitiei. Üpwe afitikokoi aramas meinisin, chokewe oupwe maun ngeniir, üpwe pwal föri pwe chon oputemi repwe kul senikemi o süla.

Än Salomon Afalafal 8:12

Ika mwo eman chon tipis a föföringau fän ipükü, nge a pwal manauatam, üa chök silei pwe chokewe mi niueiti Kot o meniniti repwe feiöch.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Aisea 23:5

Ekewe chon Isip mwo nge repwe fokun riaföü, lupwen repwe rongorong pworausen talan Tirus.

Jeremaia 27:5

Ngang ewe mi föri fanüfan pwal aramas me man mi nom won ren ai manaman me ai pöchökül. Iwe, ngang üa filätä iö kana üpwe ngeni ekei mettoch.

Nahum 2:10

Ewe telinimw a tala o pön, esap chüen so. Leluken aramas a kisikisila, pwäsukur a chechech, esap chüen wor ar pöchökül, won meser a pwechela.

Numperis 20:14

Iwe, Moses a tinala chon künö seni lon Kates ren ewe kingen Etom pwe repwe üreni, “Iei alon pwiüm kewe chon Israel: En ka püsin silei usun ewe riaföü a torikem.

Numperis 20:24

“Aaron epwe mäla o chufengen me an kewe lewo. Pun Aaron esap tolong lon ewe fanü üpwe ngeni ekewe aramasen Israel, pokiten oua ü ngeni ai allük arun ewe kolukun Meripa.

Mateus 20:15

Ifa usun, esap wor ai pwüüng ai üpwe föri ngeni nei moni mine üa mochen? Ika ka lolowo pokiten üa kirikiröch?’”

Tuteronomi 11:25

Iwe, esap wor eman aramas epwe tongeni ü ngenikemi. Ewe Samol mi Lapalap epwe föri pwe oupwe eu minen eniwokus me eniweniw ngeni chon ewe fanü meinisin ia oupwe ipwelong ie, usun a fen pwon ngenikemi.

Tuteronomi 2:25

Seni ikenai üpwe popuetä le eniwa o eniwokusu ekewe aramas meinisin mi nom won fanüfan pokitom. Iwe, repwe rong usun pworausom, repwe chechech o niueituk.’”

Tuteronomi 28:10

Mürin, aramasen fanüfan meinisin repwe küna pwe ewe Samol mi Lapalap a filikemiitä pwe oupwe nöün aramas, repwe pwal niuokusitikemi.

Tuteronomi 32:8

Lupwen ewe mi Unusen Tekia a ngeni chon ekewe mwü fanüer, lupwen a aimwüfeseni ekewe aramas, a föri kiännin lefilen ekewe aramas won ükükün iteiten nöün Israel kewe mwän.

Ipru 11:31

Ren än ewe fin lisowu Rahap lükü, i esap ninnila usun chokewe mi aleasolap ngeni Kot, pun a etiwa ekewe chon Israel mi operi ewe fanü.

Josua 2:11

Iwe, lupwen äm aia rongorong ei pworaus, lelukem a kisikisila, nge esap chüen wor tipepwora ren eman aramas pokitemi. Pun ewe Samol mi Lapalap ämi Kot, i ewe Kot mi nom won läng pwal won fanüfan.

Josua 2:24

Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”

Josua 2:8

Iwe, me mwen än ekewe mwän konola, ewe fefin a feitä rer won ewe imw

Josua 5:1

Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.

Josua 6:2

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.

Josua 9:10

pwal meinisin mine a föri ngeni ekewe ruoman kingen chon Amor, ra nom ötiuen ewe chanpupu Jortan, iten eman Sihon ewe kingen Hespon, pwal iten ewe eman Ok ewe kingen Pasan mi nom lon Astarot.

Josua 9:24

Iwe, ekewe chon Kipeon ra üreni Josua, “Äm noum chon angang aia rongorong pwe a let mine ewe Samol mi Lapalap om we Kot a allük ngeni nöün we chon angang Moses, pwe epwe ngenikemi unusen ewe fanü o arosala chon meinisin me mwemi. Iei mine aia chüngümongüw manauem pokitemi o föri ei föför.

Josua 9:9

Iwe, ra üreni, “Äm noum chon angang aia feito seni fanü toau pokiten iten ewe Samol mi Lapalap om we Kot. Pun aia rong pworausan, usun mine a föri me lon Isip,

Soukapwüng 7:14

Nge chienan a üreni, “Ei a pwärätä pwe iei fokun nöün Kition we ketilas, i nöün Joas we mwän, eman re Israel. Esor och wewen lükün. Kot a mwüt ngeni Kition pwe epwe akufu ewe mwicheichen sounfiun Mitian meinisin.”