Josua 2:24 - Chuukese Bible

²⁴ Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”

Josua 2:24 Iomraidhean Croise

Ekistos 15:15

Ekewe samolun Etom ra fokun niuokus, ekewe aramas mi pwora seni Moap ra chechech, nge chokewe ra nonom lon Kanaan ra fokun rükö ren ar niuokus.

Ekistos 23:31

Iwe, ngang üpwe föri kiän fanüemi seni ewe Setipar tori ewe matau watte, pwal seni ewe fanüapö tori ewe chanpupu Oifrat. Üpwe atolonga fän nemeniemi chon ewe fanü, nge ämi oupwe asürela seni mwemi.

Än Salomon Fos 25:13

Eman chon künö mi allükülük a akinamwei ätewe mi tini, usun chök koluk mi patapat a akinamwei eman, lupwen a pwichikar lon fansoun kinikin.

Josua 1:8

Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.

Josua 2:23

Mürin ekewe ruoman mwän ra feitiu seni ekewe chukuchukutä, ra pwerela pekilan ewe chanpupu o feila ren Josua nöün Nun we mwän. Iwe, ra apworausa ngeni meinisin usun mine a fis ngeniir.

Josua 5:1

Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.

Josua 6:2

Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.

Josua 8:1

Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.

Soukapwüng 1:2

Iwe, ewe Samol mi Lapalap a pälüeni, “Chon ewe ainangen Juta repwe feila. Ngang üa mwüt ngeniir pwe repwe fanüeni ewe fanü.”

Soukapwüng 18:10

Lupwen oupwe feila, oupwe tori eu mwichen aramas resap ekieki pwe eman epwe maun ngeniir. Ewe fanü a watte, esap pwal wor och mine a osupwang ren, nge Kot a ngenikemi ewe fanü.”

Soukapwüng 7:9

Lon ewe chök pwinin ewe Samol mi Lapalap a üreni Kition, “Kopwe pwätä o feitiu lon lenien chon Mitian pwe kopwe maun ngeniir, pun üpwe föri met kopwe akufuur ren.