Josua 2:2 - Chuukese Bible

² Iwe, ewe pworaus a tori ewe kingen Jeriko pwe ekoch re Israel ra feito lon ei pwinin, pwe repwe sachei ewe fanü.

Josua 2:2 Iomraidhean Croise

Kölfel 127:1

Are ewe Samol mi Lapalap esap aüetä ewe imw, a solap än ekewe chon aüetä angang. Are ewe Samol mi Lapalap esap mamasa ewe telinimw, a solap än ekewe chon mas nenela le mamas.

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Aisea 43:13

Ngang chök Kot tori feilfeilachök. Esap wor eman a tongeni amanaua eman seni lepei. Üa akangang, nge iö epwe pineei?”

Taniel 4:35

Iwe, esap wor aüchean chon fanüfan meinisin me ren Kot. A föri mochenin letipan ngeni mwicheichen chon läng, pwal ngeni chon fanüfan meinisin. Iwe, esap wor eman a tongeni pinei mine a föri ika aisini, ‘Met ka föri?’

Josua 2:1

Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan.

Josua 2:3

Mürin, ewe kingen Jeriko a titi Rahap o üreni, “Kopwe emwenato ekewe mwän mi feito reöm lon imwom. Pun ra feito pwe repwe sachei unusen ewe fanü.”

Soukapwüng 18:2

Iei mine ekewe chon Tan ra filätä limman mwän mi pwora seni lon unusen ar ainang. Ra tinirela seni Sora me Estaol o üreniir pwe repwe operi ewe fanü o ouwasacha. Iwe, ra tori chukuchukutän ewe fanü Efraim lon imwen Maika o pwinipwin ikenan.