Josua 2:19 - Chuukese Bible

¹⁹ Are eman epwe towu seni imwom o nom won al, chan epwe ukun chök, nge äm aisap tipis. Nge are eman a angeetä won eman lein chokewe mi nom lon imwom, chan epwe ukem chök.

Josua 2:19 Iomraidhean Croise

2. Samuel 1:16

Pun Tafit a fen üreni ewe re Amalek, “Chaom epwe ukum chök, pun kapasen awom a püsin etipisuk ren om apasa pwe ka niela nöün ewe Samol mi Lapalap we mi kepit.”

2. Samuel 4:11

Nge epwe fen ifa usun, lupwen aramas mi ngau ra niela eman mwän mi pwüng me lon püsin imwan, lupwen an möür won an peet? Iei üpwe ngenikemi chappen ämi nimanauei Isiposet o ärikemiila seni won fanüfan.”

1. King 2:32

Ewe Samol mi Lapalap epwe ukun ngeni Joap liwinin an föförün nimanauei aramas. Pun Tafit semei we esap silei usun an niela ruoman mwän mi pwüng o mürina seni püsin i: Apner nöün Ner we mwän ewe meilapen sounfiun Israel me Amasa nöün Jeter we mwän ewe meilapen sounfiun Juta.

Ekistos 12:13

Ewe cha epwe eu asisilen imwemi, pun lupwen üpwe küna ewe cha, üpwe lus me womi. Esap wor feiengau epwe kükemi, lupwen üpwe afeiengaua ekewe chon Isip.

Ekistos 12:22

Iwe, oupwe angei ulun ewe irä itan isop o otukalong lon ewe sepien cha. Mürin oupwe tofi ewe cha ngeni penkasamen imwemi lepekin me ruepek pwal asan. Nge esap wor eman epwe towu seni imwan tori lesosor.

Ekistos 12:23

Pun ewe Samol mi Lapalap epwe fetalfeil lon ewe fanü pwe epwe niela chon Isip. Nge lupwen epwe küna ewe cha won penkasamen imwemi lepekin me ruepek pwal asan, epwe lus me won imwemi. Iwe, esap mwüt ngeni ewe chon ninni epwe tolong lon imwemi o niikemi.

Lifitikos 20:11

Eman mwän mi lisowu ngeni pwülüen saman a turunufasei saman. Ir me ruoman repwe ninnila, nge char epwe uker chök.

Lifitikos 20:9

Iteiten eman me eman mi otteki saman ika inan epwe fokun ninnila. Pokiten an otteki saman ika inan chan epwe ukan chök.

Mateus 24:17

Eman aramas mi nom won imwan esap wor an fansoun an epwe tötiu o tolong lon imwan pwe epwe angei och.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

Föför 20:26

Iei mine üpwe fokun pwäri ngenikemi ikenai: Are eman leimi epwe pöütmwälila, esap tipisi.

Föför 27:31

Nge Paulus a üreni ewe meilapen sounfiu me ekewe sounfiu, “Are ekei säla resap nonom won ei wa, esap wor ämi apilükülüköch pwe oupwe manau.”

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

Ipru 10:29

Oupwe ekieki epwe ifan me watten liwinin tipisin eman aramas mi aitengaua ewe Nöün Kot o aüongaua pinin chaan än Kot we pwon a küna pin ren, a pwal turunufasei ewe Ngünün ümöümöch.

Josua 2:12

Iei oupwe pwon ngeniei fän akapel fän iten ewe Samol mi Lapalap, pwe oupwe kirikiröch ngeni chon leimwen semei usun üa kirikiröch ngenikemi. Iwe, oupwe ngeniei eu asisil mi let

Josua 2:14

Nge ekewe mwän ra üreni, “Manauem akasiwilin manauemi. Are ousap akafat äm ei angang, äm aipwe kirikiröch o allükülük ngenikemi, lupwen ewe Samol mi Lapalap epwe ngenikem ei fanü.”

Josua 2:20

Nge are ka akafat äm ei angang, äm aisap tipis ngeni om we pwon ka üra sipwe pwonfengen won fän akapel.”