Josua 2:18 - Chuukese Bible

¹⁸ Lupwen aipwe tolong lon ewe fanü, kopwe rietä ei säl mi par won ewe asammwacho ka aürükeemitiu me lon. Kopwe pwal emwichato lon imwom semom me inom, mongeom me chon leimwen semom meinisin.

Josua 2:18 Iomraidhean Croise

Keneses 12:2

Iwe, üpwe achomonga mwirimwirum kana pwe ir repwe wiliti eu mwü mi watte, üpwe pwal afeiöchuk o alapala itom pwe kopwe eman wän feiöch.

Keneses 7:1

Iwe, ewe Samol mi Lapalap a üreni Noa, “Oupwe tolong lon ewe waimw ämi me chon leimwom, pun ngang üa küna pwe en ka pwüng mwen pilom kana.

Ester 8:6

Pun ifa usun, epwe tufich ngeniei pwe üpwe nengeni ewe feiengau epwe tori aramasei? Are ifa usun, üpwe tongeni nengeni mälan ai famili?”

Ekistos 12:13

Ewe cha epwe eu asisilen imwemi, pun lupwen üpwe küna ewe cha, üpwe lus me womi. Esap wor feiengau epwe kükemi, lupwen üpwe afeiengaua ekewe chon Isip.

Än Salomon Köl 4:3

Tinawom a wewe ngeni efoch riri mi parapar, nge awom a fokun öch. Sapom ra woparapar fän pwölüpwölün won mesom, usun chök pekin apel.

Lifitikos 14:4

ewe souasor epwe allük pwe repwe uwato fän iten ewe epwe limelim ruoman machang mi manau o limöch, mwüch seni ewe irä itan setar, ekam mangaku mi par pwal ülün ewe irä itan isop.

Numperis 19:6

Iwe, ewe souasor epwe angei mwüüch seni ewe irä setar, ülün ewe irä isop pwal ekam mangaku mi par o moneerelong lon ewe ekkei.

Numperis 4:8

Mürin repwe ameresala wor echö mangaku mi parachol, repwe pwölü ngeni echö pwölüpwöl seni silin man mi mürina o sökalong ämwärin kewe.

Lukas 19:9

Jesus a üreni Sakios, “Manau a tori ei imw ikenai, pun en pwal eman mwirimwirin Apraham.

Föför 10:27

Lupwen ar kakapasfengen, Petrus a etalong Kornelius lon ewe imw, ikenan a küna chomong aramas mi mwichfengen.

Föför 10:33

Iei mine üa müttir titi en, nge a mürina pwe ka feito. Iei äm meinisin aia nonom mwen mesen Kot, pwe aipwe aüseling ngeni meinisin mine ewe Samol a allük ngonuk pwe kopwe aiti ngenikem.”

Föför 11:14

I epwe afalafala ewe kapasen Kot ngenikemi, pwe en me chon leimwom meinisin oupwe küna manau.’

2. Timoty 1:16

Ach Samol epwe ümöümöch ngeni chon familien Onesiforus, pun i a echipaei fän chomong. Esap säwäsiniei pwe ngang üa nom lon fötek,

Ipru 9:19

Akomwan Moses a asile ngeni ekewe aramas masouen ekewe allük meinisin. Mürin a angei chaan ekewe ätemwänin kow me chaan ekewe kuuch mi nofitfengen me koluk o aea ülün ewe irä isop me ülen sip mi parapar le äsupu ngeni ewe puken allük pwal ngeni ekewe aramas meinisin.

Josua 2:21

Iwe, ewe fefin a üra, “Epwe fis meinisin usun mine oua apasa.” Iwe, a tinirela. Nge mürin ar feila, a rietä ewe säl mi par won ewe asammwacho.

Josua 6:23

Iei mine ekewe alüal mi piin operi ewe fanü ra tolong lon o emwenawu Rahap pwal saman me inan, mongean me aramasan meinisin. Iwe, ra emwenirewu meinisin o anomuur lükün ewe leni ia chon Israel ra nom ie.

Josua 6:25

Nge Josua a amanaua Rahap ewe fin lisowu me chon leimwen saman meinisin, pwal aramasan meinisin, pokiten a aopa ekewe chon künö Josua a tinirela pwe repwe operi Jeriko. Iwe, ekewe mwirimwirin Rahap ra nom lon Israel tori ikenai.