Josua 2:14 - Chuukese Bible

¹⁴ Nge ekewe mwän ra üreni, “Manauem akasiwilin manauemi. Are ousap akafat äm ei angang, äm aipwe kirikiröch o allükülük ngenikemi, lupwen ewe Samol mi Lapalap epwe ngenikem ei fanü.”

Josua 2:14 Iomraidhean Croise

Keneses 24:49

Iei kopwe pwäri ngeniei are kopwe eäni kirikiröch me allükülük ngeni ai we samol. Nge ika kosap, kopwe pwal pwäri ngeniei pwe üpwe silei mine üpwe föri.”

Keneses 47:29

Nge lupwen a arap fansoun än Israel epwe mäla, a körato Josef nöün we o üreni, “Are üa küna cheni me reöm, kopwe sökalong poum fän aföi o pwon ngeniei pwe kopwe kirikiröch o tipelükülük ngeniei. Kosap peiaseniei lon Isip,

2. Samuel 2:5

Tafit a tinala chon künö ren ekewe re Japes-kiliat pwe repwe üreniir, “Ewe Samol mi Lapalap epwe afeiöchükemi, pun oua pwärätä ämi kirikiröch ngeni Saul ämi we samol ren ämi peiaseni.

2. Samuel 2:6

Ewe Samol mi Lapalap epwe pwal kirikiröch me allükülük ngenikemi. Pwal ngang üpwe öch ngenikemi, pun oua föri ei föför.

2. Samuel 9:1

Iwe, lon eu rän Tafit a ais, “Ifa usun, a wor eman seni än Saul famili mi chüen manau, pwe üpwe kirikiröch ngeni fän iten Jonatan?”

1. King 20:39

Nge lupwen ewe king Ahap a pwerela, ewe soufos a köla ren o üra, “Ngang noum chon angang üa nom lukalapen ewe maun, lupwen eman sounfiu a uwato rei eman mwän a liapeni o üra, ‘Kopwe tümwünü ei mwän. Ika a sü senuk, manauom epwe siwilin manauan, ika kopwe mönätiu ülüngat ngeröü föün moni silifer.’

Än Salomon Fos 14:22

Chokewe mi ekiekietä mine a ngau repwe tokola. Nge chokewe mi ekiekietä mine a mürina repwe angei ümöümöch me allükülük.

Än Salomon Fos 18:24

Eman aramas mi chomong chiechian a tongeni fetal ngeni feiengau, nge mi wor eman chiechian a kan ngeni, lap seni wesewesen pwiin.

Mateus 5:7

Ra feiöch chon eäni tong, pun Kot epwe pwal eäni tong ngeniir.

Föför 23:22

Iwe, ewe sounemenem a üreni, “Kosap üreni eman, pwe en ka apworausa ngeniei ei pworaus.” Mürin a tinala ewe alüal.

Josua 2:13

o pwon ngeniei pwe oupwe amanaua semei me inei, mongeei me pwii me aramaser meinisin. Iwe, oupwe angasakem seni mäla.”

Josua 2:15

Mürin, ewe fefin a aürüretiu won efoch säl me lon asammwachon imwan, pun imwan a kaütä won tittin ewe telinimw.

Josua 6:17

Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.

Josua 6:22

Iwe, Josua a üreni ekewe ruoman mwän mi operi ewe fanü, “Oupwe tolong lon imwen ewe fin lisowu o emwenawu me aramasan meinisin, usun oua fen pwon ngeni fän akapel.”

Josua 6:25

Nge Josua a amanaua Rahap ewe fin lisowu me chon leimwen saman meinisin, pwal aramasan meinisin, pokiten a aopa ekewe chon künö Josua a tinirela pwe repwe operi Jeriko. Iwe, ekewe mwirimwirin Rahap ra nom lon Israel tori ikenai.

1. Samuel 20:8

Iei mine kopwe kirikiröch ngeniei ngang noum chon angang, pun ka fen eäni eu pwon mi pin ngeniei. Nge are a wor ai pupungau, kopwe püsin nieila, pun pwota kopwe emwenieila ren semom pwe i epwe nieila?”