Josua 2:11 - Chuukese Bible

¹¹ Iwe, lupwen äm aia rongorong ei pworaus, lelukem a kisikisila, nge esap chüen wor tipepwora ren eman aramas pokitemi. Pun ewe Samol mi Lapalap ämi Kot, i ewe Kot mi nom won läng pwal won fanüfan.

Josua 2:11 Iomraidhean Croise

1. King 8:60

Ren ei aramasen fanüfan meinisin repwe silei pwe ewe Samol mi Lapalap i chök Kot, esap pwal wor eman lükün.

2. King 5:15

Mürin, Naeman me nöün kewe chon angang ra liwiniti Elisa. Iwe, a ütä fän mesan o üra, “Iei ükärän silei pwe esap wor eman Kot won unusen fanüfan lükün ewe Koten Israel. Kose mochen kopwe angei eu lifang seniei ngang noum chon angang.”

Nehemia 6:16

Lupwen ekewe chon oputakem ra rongorong usun, nge chon ekewe mwü ünüküm ra küna ei, ra fokun säw, pun ra mefi pwe ei angang a fis ren än Kot alilis ngenikem.

Ester 8:17

Iwe, lon iteiten sop me telinimw ia än ewe king allük a tori ie, ekewe chon Juta ra pwapwa o mwänek, ra pwal eäni ränin asösö o mongöfengen. Iwe, chomong aramas seni ewe fanü ra eti lamalamen chon Juta, pun ra niuokusiti ekewe chon Juta.

Kölfel 102:15

Chon ekewe mwü repwe meniniti ewe Samol mi Lapalap, nge ekewe kingen fanüfan meinisin repwe niuokusiti an ling.

Kölfel 22:14

Üa usun chök koluk mi niitiu, lekeilen chüi meinisin ra ruwofesen, lelukei a usun kiris, a telila me leupwei.

Kölfel 58:7

Amwo repwe morola usun koluk mi pula, repwe pachachala usun fetil aramas ra purätiu.

Kölfel 83:18

Iwe, repwe silei pwe en ewe mi iteni Samol mi Lapalap, en chök Ewe mi Unusen Tekia won unusen fanüfan.

Ekistos 15:14

Lupwen chon ekewe mwü ra rongorong usun, ra chechech, niuokus watte a tori ekewe chon Filistia.

Ekistos 15:15

Ekewe samolun Etom ra fokun niuokus, ekewe aramas mi pwora seni Moap ra chechech, nge chokewe ra nonom lon Kanaan ra fokun rükö ren ar niuokus.

Aisea 13:7

Iei mine pöün ekewe aramas repwe chök ititiu, letiper epwe kisikisila,

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Isikiel 21:15

Iwe, leluken aramas epwe tur, nge chomong repwe mäla ren ewe ketilas. Üpwe eniwokusuur ren lon asamalapen telinimwer meinisin. Ewer, a molupolup usun chök fifi, a pwal ken pwe epwe ninni.

Nahum 2:10

Ewe telinimw a tala o pön, esap chüen so. Leluken aramas a kisikisila, pwäsukur a chechech, esap chüen wor ar pöchökül, won meser a pwechela.

Tuteronomi 1:28

Ia aipwe feila ie? Pwiim ra akükünüela letipem ren ar apasa, pwe ekewe aramas ra watte o mwänemong senikem. Ar kewe telinimw ra pwal pöchökül, nge tittir ra tori läng. Nge ikenan ra pwal küna ekewe mwirimwirin Anak.’

Tuteronomi 20:8

Mürin, ekewe meilap repwe pwal üreni ekewe sounfiu, ‘Ifa usun, epwe wor eman mwän ikei mi niuokus o kükün letipan? Ätewe epwe liwiniti imwan, pwe leluken chienan kewe resap apwangapwangala usun lelukan.’

Tuteronomi 4:39

Iei mine ikenai oupwe chechemeni o iseis lon lelukemi pwe ewe Samol mi Lapalap i wesewesen Kot lon läng pwal won fanüfan, esap pwal wor eman lükün.

Josua 14:8

Nge pwii kewe mi etiei le feila ra akisikisala leluken ekewe aramas. Nge ngang üa fokun apwönüetä letipen ewe Samol mi Lapalap ai we Kot.

Josua 2:24

Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”

Josua 5:1

Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.

Josua 7:5

Iwe, ekewe chon Ai ra niela ina epwe ükükün ilik me wonoman mwän me leir. Ra pwal tapweriir seni ewe asamalap tori Separim o nirela me lon ewe pwokur. Iwe, leluken chon Israel a kisikisila o rükö.

Josua 9:24

Iwe, ekewe chon Kipeon ra üreni Josua, “Äm noum chon angang aia rongorong pwe a let mine ewe Samol mi Lapalap om we Kot a allük ngeni nöün we chon angang Moses, pwe epwe ngenikemi unusen ewe fanü o arosala chon meinisin me mwemi. Iei mine aia chüngümongüw manauem pokitemi o föri ei föför.

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.